आईसीटी समाचार
सूचना प्रविधि सेवा निर्यात गरी नेपालमा सबैभन्दा बढी विदेशी मुद्रा भित्र्याउने कम्पनीको रूपमा स्प्राउट टेक्नोलोजीज सर्भिसेस (क्लाउड फ्याक्ट्री) सम्मानित भएको छ ।
नेशनल आईसीटी दिवसको अवसरमा सञ्चार तथा सूचना प्रविधि मन्त्रालयले आर्थिक वर्ष २०७९(८० मा नेपालमा सबैभन्दा बढी विदेशी मुद्रा भित्र्याउने कम्पनीको रूपमा क्लाउड फ्याक्ट्री सम्मानित भएको हो ।
स्प्राउट टेक्नोलोजी आईटी कम्पनी हो, जसले विभिन्न आईटी सम्बन्धि विभिन्न सेवाहरू आउटसोर्सिङ गर्दै आएको छ ।
क्लाउड फ्याक्ट्रीको रुपमा परिचित स्प्राउट टेक्नोलोजी सर्भिस प्रा.लि सन् २०१० मा नेपालबाट सुरु भएको अन्तराष्ट्रिय कम्पनी हो । आर्टिफिसियल इन्टेलिजेन्स, मेसिन लर्निङ र नविनतम प्रविधिहरुमार्फत अमेरिका लगायत धेरै देशहरुमा उच्चस्तरिय आइटी प्रडक्ट र सेवा प्रदान गरिरहेको छ कम्पनीले । नेपालबाट सुरु भएको यस कम्पनीमा अहिले अमेरिका, युके, जर्मनी, केन्या लगायतका देशहरुबाट ७०० बढिले काम गरिरहेका छन ।
नेपालमा ४०० बढिलाई रोजगारीको अवसर दिइरहेको कम्पनी स्प्राउट टेक्नोलोजी गत आर्थिक वर्ष २०७९ र ०८० मा सबैभन्दा बढि विदेशी रकम आर्जन गर्ने कम्पनीको रुपमा सम्मानित भएको छ ।
