स्नेहा झा
तपाइँ के गर्नुहुन्छ, तपाइँ कहाँ जानुहुन्छ, तपाइँको मनपर्ने खाना के हो, गूगललाई सबै थाहा छ । यति मात्र होइन, गुगलले तपाइँको खोज अनुसार सही जानकारी दिन्छ । तपाईंले गुगलमा जे पनि खोज्नुहुन्छ, त्यो हरेक जानकारी तपाईंको गुगल अकाउन्टमा सुरक्षित हुन्छ । तपाईको व्यक्तिगत डेटा सधैं गुगलमा पहुँच योग्य छ ।
यस्तो अवस्थामा, यो स्पष्ट छ कि गुगलमा तपाईको पूर्ण इतिहास सेभ भएको हुन्छ । यदि तपाइँ गुगलमा सबै जानकारीको रेकर्ड राख्न चाहनुहुन्न भने, गूगल हिस्ट्री मेटाउन सक्नुहुन्छ साथै गूगल ट्र्याकिङ बन्द गर्न सक्नुहुन्छ ।
पीसीबाट गुगल हिस्ट्री कसरी डिलिट गर्ने?
यसका लागि तपाईंले क्रोम ब्राउजरको मद्दत लिन सक्नुहुन्छ । सर्वप्रथम आफ्नो पीसीको क्रोम ब्राउजरमा जानुहोस् र दायाँ छेउमा दिइएको तीनवटा डटहरूमा क्लिक गर्नुहोस् ।
यसपछि तपाई हिस्ट्री विकल्पमा जानुहोस् । त्यसपछि क्लियर ब्राउजर डाटामा क्लिक गर्नुहोस् । अब, क्लियर ब्राउजर बक्समा टिक गर्नुहोस् र त्यसपछि क्लियर डाटामा क्लिक गर्नुहोस् ।
गुगल अकाउन्टबाट सर्च हिस्ट्री कसरी मेटाउने?
गूगल अकाउन्टबाट सर्च हिस्ट्री मेटाउन, तपाईंले तल दिइएको चरणहरू पालना गर्नुपर्छ । यसो गरेपछि, तपाईंले लग इन गर्नुभएको सबै डिभाइसहरूबाट सर्च हिस्ट्री मेटिनेछ ।
सबैभन्दा पहिले गुगल क्रोममा जानुहोस्, त्यसपछि गुगल माई एक्टिभेट पेज खोज्नुहोस् । यस पछि, तपाईंले सर्च हिस्ट्री मेटाउन चाहनु भएको खातामा लगइन गर्नुहोस् ।
त्यसपछि सर्च बारमा गएर डिलिट विकल्प खोज्नुपर्छ । अब, तपाईंले निश्चित सर्च हिस्ट्री वा सम्पूर्ण इतिहास मेटाउन चाहनुभएको मिति चयन गर्नुहोस् ।
अब तपाईंले एक नोटिफिकेसन देख्नुहुनेछ । यसपछि सर्च हिस्ट्रीमा जानुहोस् र डिलिटमा क्लिक गर्नुहोस् ।
एन्ड्रोइडबाट सर्च हिस्ट्री कसरी हटाउने ?
एन्ड्रोइड डिभाइसबाट गुगल सर्च हिस्ट्री मेटाउन, तल दिइएको चरणहरू पालना गर्नुहोस। सबैभन्दा पहिले गुगल क्रोम ब्राउजर खोल्नुहोस् ।
दायाँ छेउमा दिइएको तीनवटा थोप्ला भएको आइकनमा क्लिक गर्नुहोस् । त्यसपछि हिस्ट्री चयन गर्नुहोस् र क्लियर ब्राउजर डाटामा क्लिक गर्नुहोस् ।
तपाइँको ब्राउजिङ हिस्ट्री तपाइँलाई मिति अनुसार प्रदर्शित गरिनेछ । यस्तो अवस्थामा, तपाइँ मिति अनुसार सर्च हिस्ट्री सडलिट गर्न सक्नुहुन्छ ।
गुगल सर्च हिस्ट्रीलाई अटो डिलिट मोडमा कसरी राख्ने ?
तपाईले गुगल सर्च हिस्ट्रीलाई अटो डिलिट मोडमा पनि सेट गर्न सक्नुहुन्छ । यसो गरेपछि, गुगलले स्वचालित रूपमा तपाईको सर्च हिस्ट्रीलाई मेटाउनेछ । गुगलले यसका लागि ३, १८ र ३६ महिनाको विकल्प दिन्छ ।
यो गर्नका लागि क्रोम ब्राउजरमा गुगल माई एक्टिभिटिज पेजमा जानुहोस् । यस पछि वेब र एप एक्टिभिटि चयन गर्नुहोस् ।
त्यसपछि तल आउनुहोस् र अटो डिलिट विकल्पमा जानुहोस् ।
अटो डिलिट विकल्प छनौट गरेपछि, समय चयन गर्नुहोस् । तपाईंले चयन गरेपछि, अगाडि जाने विकल्प देखा पर्नेछ, त्यसपछि कन्फर्ममा क्लिक गर्नुहोस् ।
