आईसीटी समाचार
नेपाल एष्ट्रोनोमिकल सोसाइटी (नासो) ले आफ्नो १८औँ स्थापना दिवसको अवसरमा, नेपाल एष्ट्रोनोमिकल सोसाइटी (नासो) कर्णालीका संयोजक डा. पुष्पराज आचार्यलाई खगोलीय उपकरण हस्तान्तरण गरेको छ ।
यो पहलले कर्णाली प्रदेशमा खगोल र अन्तरिक्ष विज्ञानसम्बन्धी पहुँच र गतिविधिहरू विस्तार गर्न मद्दत गर्नेछ आशा लिएको नासोका अध्यक्ष सुरेश भट्टराईले बताए ।
स्थापना कालदेखि नै नासोले नेपालमा खगोल र अन्तरिक्ष विज्ञानप्रति जिज्ञासा जगाउने, ज्ञान विस्तार गर्ने, विद्यार्थीहरूलाई प्रेरित गर्ने तथा जनस्तरमा वैज्ञानिक दृष्टिकोण फैलाउने विभिन्न गतिविधि गर्दै आएको छ ।
यस उपकरण हस्तान्तरणसँगै, नासो–कर्णालीले तारामण्डल अवलोकन कार्यक्रम, विद्यालयमा खगोल शिक्षा, शिक्षक तालिम तथा जनस्तरीय गतिविधिहरूलाई अझ प्रभावकारी बनाउन सक्नेछ ।
आगामी वर्षहरूमा नयाँ उपलब्धिहरू हासिल गर्दै नेपाललाई अन्तर्राष्ट्रिय खगोल तथा अन्तरिक्ष विज्ञान समुदायमा अझ सशक्त रूपमा प्रस्तुत गर्ने लक्ष्य लिएको भट्टराईको भनाइ छ ।
