आईसीटी समाचार
आइसिटी अवार्ड २०२५ का सेमि फाइनलिष्टहरूका लागि आईतबार अर्थात आज मेन्टरिङ सेसन हुने भएको छ । दिउँसो १२ बजेदेखि बागबजारको मोडल इन्स्टिच्युट अफ टेक्नोलोजी (एमआईटी) मा सुरू हुने मेन्टरिङ सेसन बेलुका ४ बजेसम्म सञ्चालन हुनेछ ।
आइसिटी अवार्डको प्रि-ईभेन्टको रूपमा आयोजना भएको मेन्टरिङ सेसनमा स्टार्टअप, प्रडक्ट, राइजिङ स्टार र सोसल इन्नोभेसन विधाका सेमिफाइनलिष्टहरू सहभागी हुनेछन् ।
मेन्टरिङ सेसनमा मेन्टरको रूपमा प्रशिक्षक तथा टेन्जेन्ट वेभ्सका संस्थापक सुमन शाक्य, प्रिज्मा एडभरटाइजिङका सीईओ रञ्जित आचार्य र वानपोइन्ट फाइनान्सियलका कार्यकारी निर्देशक विकास नहाटा रहेका छन् ।
यस्तै वक्ताको रूपमा औद्योगिक व्यवसाय विकास प्रतिष्ठानका कार्यकारी निर्देशक उमेश गुप्ता, वेद एपका निर्देशक निर्देश द्वा, डिजिटल एज नेपालकी प्रबन्ध निर्देशक दिब्या दली र क्रिमसन टेकका सह-संस्थापक सम्बन्ध पाठक रहेका छन् ।
मेन्टरिङ सेसनमा स्टार्टअप तथा आईडियाहरूको बिजनेस मोडल सिर्जना गर्न, स्केल गर्न र बजारीकरण गर्नका लागि आवश्यक ज्ञान प्रदान गरिने छ ।
