आईसीटी समाचार
यदि तपाईं पनि मेटा एआईसँग कुरा गर्नुहुन्छ र आफ्ना व्यक्तिगत कुरा सेयर गर्नुहुन्छ भने तपाईंका लागि काम लाग्ने खबर छ । एपसँग सम्बन्धित एउटा गम्भीर रिपोर्ट सार्वजनिक भएको छ, जसका अनुसार एपको डिस्कभरी फिडमा प्रयोगकर्ताका निजी कुराकानी र अनुरोध देखिरहेको छ, जुन सम्भवतः गल्तीले सार्वजनिक भएका हुन् ।
धेरै रिपोर्टहरूमा त्यस्ता टेक्स्ट च्याट र इमेज प्रम्प्ट देखिएका छन् जुन अत्यन्त व्यक्तिगत देखिन्छन् । यी पोस्टहरू सार्वजनिक भएपछि प्रयोगकर्ताहरूको गोपनीयताप्रति चिन्ता बढ्दै गएको छ ।
टेकक्रन्चको एक रिपोर्टअनुसार केही पोस्टहरूमा प्रयोगकर्ताहरूले कर छल्ने सल्लाह मागिरहेको देखियो, भने कतिपयले कानूनी समस्यामा परेका कर्मचारीका लागि रेफरेन्स लेटर कसरी लेख्ने सोधेका थिए ।
अर्कै पोस्टमा कसैले प्रश्न गरेको थियो, 'मेरो शरीरमा रातो दाना आईरहेको छ, के गरूँ?' यी सबै पोस्टहरू मेटा एआई एपको डिस्कभरी फिड मा देखा परेका थिए । वायर्डकी वरिष्ठ पत्रकार काइली रोबिन्सनले पनि बताएकी छन् कि उनीहरूलाई 'के कम उमेरकी महिलाहरू गोरा पुरुषलाई मन पराउँछन्?' जस्ता अत्यन्त व्यक्तिगत प्रश्नहरू भेटिएका थिए ।
सीनियर काउन्सलर क्याली स्क्रोडरले पनि जानकारी गराइन् कि केही पोस्टहरूमा मानिसहरूको चिकित्सकीय विवरण, मानसिक स्वास्थ्यसम्बन्धी कुराकानी, घरको ठेगाना र अदालतमा विचाराधीन मुद्दासम्मका विवरणहरू सेयर भएका थिए ।
केही प्रयोगकर्ताले मेटा एआई लाई तस्वीरमा सानो परिवर्तन गर्न पठाएका सेल्फीहरू पनि डिस्कभरी फिड मा सार्वजनिक भएका छन् । तीमध्ये केही त नाबालिगहरूको सेल्फीसमेत थिए, जसमा तिनीहरूको कपालको रङ परिवर्तन गरिएको थियो ।
यी घटनाहरूमा प्रयोगकर्तालाई आफ्ना कुराकानी सार्वजनिक भइरहेछ भनेर थाहा थियो कि थिएन, स्पष्ट छैन् । तथापि पोस्टहरूको स्वभाव हेर्दा धेरैले अनजानेमै पोस्ट बटन थिचेका हुन सक्ने देखिन्छ । मेटा एआई एपमा कुनै च्याट सार्वजनिक रूपमा पोस्ट गर्नु दुई चरणको प्रक्रिया हो ।
च्याटको माथि सेयर बटन देखिन्छ, जसलाई थिचेपछि प्रिव्यु पेजमा लगिन्छ । त्यहाँ पोस्टको शीर्षक र पुरा कुराकानी देखिन्छ र तल पोस्ट नामक बटन मात्र हुन्छ, यद्यपि एपमै स्पष्ट रूपमा बताइएको हुँदैन कि यसले पूर्ण रूपमा सार्वजनिक गरिदिन्छ ।
