कीवर्डहरू -

एननेटले सुरू गर्‍यो एफटीटीआर  र आईपीभी सिक्ससहित इन्टरनेट र आईपीटीभी सेवा

एननेटले सुरू गर्‍यो एफटीटीआर  र आईपीभी सिक्ससहित इन्टरनेट र आईपीटीभी सेवा

नेपाल दूरसञ्चार प्राधिकरण (एनटीए) बाट अनुमति प्राप्त इन्टरनेट तथा नेटवर्क सेवा प्रदायक एननेट (पर्पल) ले आधिकारिक रूपमा नेपालभर इन्टरनेट र आईपीटीभी सेवा सुरू गरेको छ । 

खुद्रा तथा संस्थागत ग्राहकलाई लक्षित गर्दै कम्पनीले फाइबर–टु–द–रुम (FTTR) प्रविधि र वाई–फाई ६ राउटरसहितको अत्याधुनिक सेवा ल्याएको हो । 

यसमा पूर्ण रूपमा आईपीभी सिक्स प्रोटोकल प्रयोग गरिएको छ, जसलाई एनटीएले अनिवार्य गरेको र विश्वभर इन्टरनेटको भविष्यको मेरुदण्डका रूपमा मान्यता दिइएको छ ।

एननेटको सेवा क्रमशः शहरी, पहाडी, ग्रामीण र हिमाली क्षेत्रमा विस्तार हुँदैछ । यसले शैक्षिक संस्था, स्वास्थ्य सेवा प्रदायक, वित्तीय संस्था, होटल, सरकारी कार्यालय, एनजिओ तथा आईएनजिओ लगायतका क्षेत्रलाई लक्षित गरेको छ ।

कम्पनीले नेपालको ठूलो चाडको रूपमा रहेको दशैँ, तिहार र छठलाई लक्षित गर्दै विशेष परिचयात्मक प्याकेज घोषणा गरेको छ । खुद्रा ग्राहकले १५ प्रतिशतसम्म छुटसहित ३ महिनाको बोनस अवधि पाउनेछन् भने साना तथा मझौला उद्यम (SMEs) का लागि ५० प्रतिशतसम्म छुट, ३ महिनाको बोनस र सोही मूल्यमा दोब्बर ब्यान्डविथ उपलब्ध गराइनेछ ।

‘एननेट, अल्वेज टुगेदर’ भन्ने नारासहित कम्पनीले विश्वासिलो, गुणस्तरीय र भविष्य–तयारीसहितको कनेक्टिभिटी सेवा देशभर पुर्‍याउने प्रतिबद्धता जनाएको छ ।