फर यु फीडलाई अझ व्यक्तिगत र सुरक्षित बनाउन टिकटकले ल्यायो नयाँ सुविधा

टिकटकले फर यु फीडलाई अझ व्यक्तिगत बनाउन युजरहरूलाई अझ धेरै नियन्त्रण दिने नयाँ टुलहरू ल्याएको छ । नयाँ सुविधाले प्रयोगकर्ताहरूलाई रूची अनुसार अझ गहिरो रूपमा खोजी गर्न, नचाहिएका कन्टेन्टहरू सीमित गर्न र सिफारिसले कसरी काम गर्छ भन्ने कुरा बुझ्न सहयोग गर्नेछ ।

फर यु फीड टिकटक एक्सपिरियन्सको केन्द्रबिन्दु हो, जसले मानिसहरूलाई कन्टेन्ट, कम्युनिटी र उनीहरूलाई मनपर्ने क्रियटरहरूसँग कनेक्ट गर्दछ । नेपालमा पनि यसले नयाँ पुस्ताका क्रियटर र उद्यमीहरूको अडियन्स बढाउने र आफ्नो करियर विस्तार गर्न सहयोग पुर्‍याएको छ ।

सारिका न्यौपाने (Lil.foodie__) को खाना सम्बन्धी कन्टेन्टदेखि सिम्पल खरेलका ट्रेन्डी र एस्थेटिक भिडियोहरू, भास्कर महर्जन (Roaming Around Nepal) का यात्रा र गन्तव्य सम्बन्धी टिप्सदेखि Wangyalcoolfilmy का फिल्म रिभ्यू अनि सुभम र स्वेक्क्षा (Love.eat.repeatt) का खाना सम्बन्धी कन्टेन्टहरूसम्म, फर यु फीडमार्फत देशभरका क्रियटरहरू फस्टाइरहेका छन् ।

 रूचिहरू व्यवस्थापन गर्ने नयाँ तरिका – म्यानेज टपिक्स

टिकटकले म्यानेज टपिक्स नामक नयाँ फिचर ल्याएको छ, जसले योगकर्ताहरुलाई क्रियटिभ आर्ट्स, ट्राभल, नेचर, स्पोर्ट्स लगायत १० भन्दा बढी लोकप्रिय श्रेणीका भिडियोहरू कति पटक देखिने भनेर समायोजन गर्न मद्दत गर्छ ।

कन्टेन्ट पूर्ण रूपमा हटाइने छैन, तर अब युजरले आफ्नो बदलिँदो रूचि अनुसार भिजिबिलिटी मिलाउन सक्छन् र यसले आफूले रुचाउने विषयका क्रियटर खोज्न सजिलो हुनेछ।

स्मार्ट किवर्ड फिल्टर

टिकटकले अहिले स्मार्ट किवर्ड फिल्टर्सको सुविधा पनि ल्याएको छ, जुन एआई प्रविधिमा आधारित छ । यो फिचरले हाल प्रयोगमा रहेका २०० मिलियन शब्दहरू ब्लक गर्ने प्रणालीलाई अझ सशक्त बनाउँदै पर्यायवाची शब्द र मिल्दोजुल्दो शब्दहरूलाई पनि अझै सटिक र कन्ट्रोल गर्न मिल्ने गरी समावेश गर्दछ ।

आउने केहि महिनामा यो सीमा १०० शब्दबाट बढाएर २०० किवर्ड पुर्‍याइनेछ र युजरले आफ्नो सहजता अनुसार बल्क एडिटिंग गर्न सक्ने गरी सुविधा थपिनेछ।

एजुकेसनल गाइड

पारदर्शिता बढाउनको लागि, टिकटकले एक शैक्षिक गाइड जारी गर्दैछ जसले फर यु फीडलाई बुझ्न र व्यवस्थापन गर्न टुल र टिप्सहरूलाई एकीकृत गर्दछ। यो टिकटकको निरन्तर प्रयासको एक हिस्सा हो जसले मानिसहरूलाई फर यु फिडले कसरी काम गर्छ भनेर बुझ्न मद्दत गर्दछ। यसमा कन्टेन्ट किन सिफारिस गरिएको थियो भनेर देखाउने फिचरहरू र विश्वभर १८ करोड भन्दा बढी भ्यूहरू प्राप्त गरेका शैक्षिक भिडियोहरू पनि समावेश छन्। 

फर यु फीडले टिकटकलाई अरू सबै प्लेटफर्मभन्दा फरक बनाउँने टिकटकले बताएको छ । ‘हामी मानिसहरूलाई मन पर्ने कन्टेन्ट, क्रियटर र विषयहरू सुरक्षित र व्यक्तिगत वातावरणमा खोज्न सघाउने नयाँ टुल ल्याउन पाउँदा अति उत्साहित छौं,’ कम्पनीले भनेको छ ।

यी सबै अपडेटहरू किशोर र प्रौढ दुवैका अकाउन्टहरूमा लागू हुनेछन्, जसले फर यु फीड अनुभवलाई अझ सुरक्षित बनाउनेछ ।