आईसीटी समाचार
के तपाईंले कहिल्यै गुगलको “गुगली" खेल्नुभएको छ ? यो विभिन्न विषयहरूबारे रोचक कुरा थाहा पाउने रमाइलो तरिका हो ।
जस्तै क्रिकेटमा गुगली बल हुन्छ, जुन अप्रत्याशित दिशा लिन्छ त्यसै गरी गुगल पनि कहिलेकाहीँ मानिसहरूलाई यस्ता प्रश्नहरू गर्छ जुन सीधा उत्तर दिनसकिने किसिमका हुन्छन् । तर गुगलले तिनै प्रश्नहरूको उत्तर पनि दिन्छ र तपाईंको ज्ञान बढाउँछ ।
मंगलबार गुगलले प्रयोगकर्ताहरूलाई एउटा रोचक प्रश्न सोधेको छ — ‘वेबक्याम किन आविष्कार गरियो ?’
यो प्रश्न इन्टरनेटमा मानिसहरूबीच उत्सुकता जगाइरहेको छ । धेरैजना यसको उत्तर जान्न गुगल सर्च गरिरहेका छन् ।
वेबक्याम किन आविष्कार गरियो ?
आज हामी वेबक्यामलाई जसरी प्रयोग गर्छौं — भिडियो कल, सेल्फी, अनलाइन मिटिङ — त्यो उद्देश्य लिएर यसको आविष्कार भएको थिएन । गूगलमा उपलब्ध जानकारी अनुसार, सन् १९९१ मा क्याम्ब्रिज विश्वविद्यालयमा वेबक्यामको आविष्कार भएको थियो । तर त्यो समय यसमार्फत न भिडियो च्याट हुन्थ्यो, न फोटो खिचिन्थ्यो ।
वेबक्यामको मुख्य उद्देश्य थियो — थर्मस (कफी पोट) मा कफी बाँकी छ कि छैन थाहा पाउनु ।
ब्रेकको समयमा वैज्ञानिकहरू मले कफी पिउन जान्थे । त्यसैले तिनले कफी पोटमा कफी छ कि छैन भन्ने पहिले नै थाहा पाउन चाहे । वेबक्याकफी पोटको लाइभ इमेज देखाउँथ्यो । यसले वैज्ञानिकहरूको समय बच्थ्यो । उनीहरू त्यतिखेरमात्र कफी लिन जान्थे जब पोटमा कफी उपलब्ध हुन्थ्यो ।
वेबक्यामलाई जुन उद्देश्यका लागि बनाइएको थियो त्यो त पूरा भयो, तर यो प्रविधिले पछि मानिसहरूको जीवन थप सजिलो बनायो । पछि यस्ता वेबक्यामहरू विकास भए जसले भिडियो च्याट गर्न सक्थे ।
हाल गुगलको यो “गुगली“ प्रश्नले इन्टरनेटमा हलचल ल्याएको छ । धेरै प्रयोगकर्ताहरू यसको उत्तर खोजिरहेका छन् र नयाँ कुरा सिकिरहेका छन् ।
रिपोर्टहरूका अनुसार, ओगिल्भी नामक संस्थाले गूगली नामक यो अभियान गुगल सर्चका लागि चलाएको हो, जसले मानिसहरूलाई सिक्ने अवसर दिन्छ । गुगलीसँग सम्बन्धित प्रश्नहरू अनलाइन र अफलाइन दुवै माध्यमबाट सोधिन्छन् ।
यी प्रश्नहरू तपाईंका सोसल मिडिया अकाउन्टहरूमा, टिभी स्क्रिनहरूमा, बाहिरी होर्डिङहरूमा, पत्रपत्रिका वा उत्पादको प्याकेजिङमा पनि देखिन सक्छन् ।
यस अभियानको उद्देश्य भनेको मानिसहरूलाई सिक्न उत्प्रेरित गर्नु र गुगल सर्चको प्रयोग बढाउनु हो ।
