आईसीटी समाचार
काठमाडौं । साउदी अरेबियाबाट डिजिटल वालेट टिग्मोमार्फत आइएमईमा पैसा पठाउँदा अभिषेक कालाखेतीले बीवाईडी एट्टो १ ईभी जितेका छन् । ‘टिक्मोमार्फत आइएमई गरौँ, उपहार जितौं’ योजना अन्तर्गत कालाखेतीले ईभी जितेका हुन् ।
आइएमईले मंगलबार एक विशेष कार्यक्रमको आयोजना गरी अभिषेककी श्रीमती कल्पना कालाखेतीलाई ईभी हस्तान्तरण गरेको छ । यसैगरी युवराज न्यौपाने र सन्तोष गिरीले याडिया ओविन इलेक्ट्रिक स्कुटर जितेका छन् भने १२ जनाले आइफोन १७ जितेका छन् ।
विजेता सबैलाई आइएमई ग्रुपका अध्यक्ष चन्द्रप्रसाद ढकाल तथा टिग्मोका प्रतिनिधिले संयुक्त रुपमा पुरस्कार हस्तान्तरण गरे । पुरस्कार हस्तान्तरण कार्यक्रममा आइएमई ग्रुपका अध्यक्ष ढकालले कागजबाट शुरु गर्न लागिएको रेमिट्यान्स सेवा हाल डिजिटल युगमा प्रवेश गरेको बताए ।
उनले साउदी अरबमा काम गर्ने नेपालीहरुले टिग्मोबाट आईएमईमा पैसा पठाउन आग्रह गरे । आइएमई लिमिटेडका अध्यक्ष हेमराज ढकालले कम्पनीले गर्ने प्रमोसन क्याम्पेनहरु मार्केटिङको लागि मात्रै नभई सेवाग्राहीको व्यत्तिगत वा परिवारको हितमा हुने गरी ल्याउने गरेको बताए ।
उनले कम्पनीले आगामी दिनमा पनि ग्राहक लक्षित विभिन्न योजनाहरु संचालनमा ल्याउने जानकारी दिए । आइएमईले पुस २१ देखि चैत १७ सम्म यो योजना सञ्चालनमा ल्याएको थियो ।
योजना अन्तर्गत ५ जनाले १० हजार रुपैयाँ नगद पुरस्कार समेत हात पारे । योजना अवधिभर ७५ जना विजेताहरुले विभिन्न पुरस्कार प्राप्त गरेको कम्पनीले जनाएको छ । विजेताहरुको डिजिटल लक्की ड्रमार्फत छनोट गरिएको कम्पनीले जनाएको छ ।
आईएमईले मेगा पुरस्कारमा एक जनालाई बीवाईडी एट्टो १ ईभी, मासिक दुई जनालाई याडिया ओविन इलेक्ट्रिक स्कुटर र साप्ताहिक १२ जनालाई आइफोन १७ जित्ने ल्याएको थियो । साथै आईएमईले ‘टिग्मो एण्ड वीन फाईभ टाईम्स मोर’ योजना अगस्ट १ देखि अक्टोबर ३१ सम्म संचालनमा ल्याउन लागेका पनि जानकारी दिएको छ ।
