आईसीटी समाचार
काठमाडौं । आज विश्वभर करोडौँ मानिसहरूले व्हाट्सएप प्रयोग गरिरहेका छन् । कम्पनीले पनि समय–समयमा प्लेटफर्मको सुरक्षा अझ बलियो बनाउन नयाँ फिचरहरू र विशेष सुरक्षा उपायहरू ल्याउँदै आएको छ । केही समयअघि कम्पनीले च्याट ब्याकअपका लागि पनि एन्ड-टु-एन्ड इन्क्रिप्सन सुविधा सुरु गरेको थियो, जसले ब्याकअपमा सुरक्षित गरिएका कुराकानीहरू पनि सुरक्षित रहून् भन्ने सुनिश्चित गर्छ ।
तर धेरै प्रयोगकर्ताहरूलाई लाग्छ कि व्हाट्सएपका सबै च्याटहरू पूर्ण रूपमा सुरक्षित हुन्छन् । एपमा पठाइने मेसेजहरू भने एन्ड-टु-एन्ड इन्क्रिप्सन मार्फत सुरक्षित हुन्छन्, तर च्याट ब्याकअपमा भने सधैँ त्यस्तो हुँदैन । यदि तपाईंले ब्याकअपका लागि छुट्टै इन्क्रिप्सन फिचर अन गर्नुभएको छैन भने, तपाईंको डाटा क्लाउड स्टोरेजमा सुरक्षाविनै सेव हुन सक्छ । आउनुहोस्, व्हाट्सएपमा यो फिचर कसरी अन गर्ने भनेर बुझौँ ।
व्हाट्सएपमा यो फिचर कसरी अन गर्ने ?
सबैभन्दा पहिले व्हाट्सएप खोल्नुहोस् । त्यसपछि माथि देखिने प्रोफाइल आइकनमा क्लिक गर्नुहोस् ।
अब यहाँबाट च्याट्स सेक्सनमा जानुहोस् । यहाँ च्याट ब्याकअप अप्सन छान्नुहोस् । अब एन्ड-टु-एन्ड इन्क्रिप्टेड ब्याकअप अप्सनमा क्लिक गर्नुहोस् । फिचर अन गरेर नयाँ पासवर्ड सेट गर्नुहोस् वा पासकी प्रयोग गर्नुहोस् ।
साइबर सुरक्षा विशेषज्ञहरू के भन्छन् ?
व्हाट्सएप च्याटको ब्याकअप एन्ड्रोइडमा गुगल ड्राइभ र आइफोनमा आइक्लाउडमा सेव हुन्छ । यदि एन्ड-टु-एन्ड इन्क्रिप्टेड ब्याकअप अफ छ भने, ब्याकअप डाटामा बलियो सुरक्षात्मक तह लागू हुँदैन । यही कारणले साइबर सुरक्षा विशेषज्ञहरूले यो फिचर अन राख्न सुझाव दिन्छन् ।
