गूगलका सिईओ सुन्दर पिचाईले सन् २०२५ मा कम्पनीको मुख्य उद्देश्य उल्लेख गर्दै एक ईमेल पठाएका छन् ।गुगलका सीईओ सुन्दर पिचाइले आफ्नो टिमलाई एउटा इमेल पठाएका हुन् । जसमा उनले ती कुराहरू उल्लेख गरेका छन्, जसमा कम्पनीले सन् २०२५ मा ध्यान केन्द्रित रहनेछ ।

यस इमेलमा नयाँ इनोभेसन र कम्पनीका हालसालका प्रोजेक्टहरूको बारेमा चर्चा गरिएको छ । साथै, ती कुराहरू पनि उल्लेख गरिएको छ, जुन यस वर्ष कम्पनीका लागि अत्यन्त महत्त्वपूर्ण रहनेछन् ।

सुन्दर पिचाइले इमेलमा लेखेका छन्,
“२०२५ सुरु भएसँगै मैले ती उपकरणहरू र प्रोडक्टहरू रिभ्यु गर्न सुरु गरेको छु, जसलाई हामी आगामी केही महिनामा सार्वजनिक डोमेनमा ल्याउँदैछौँ । मलाई पूर्ण विश्वास छ कि इनोभेसनका हिसाबले हामी यसरी नै अगाडि बढिरहनेछौँ ।”

पछिल्लो वर्ष डिसेम्बरमा गुगलले केही ठूला घोषणा गरेको थियो । हार्डवेयर र एआईको क्षेत्रमा कम्पनीले २०२४ मा धेरै ठूला कामहरू ग¥यो । अहिले कम्पनीको ध्यान ती कार्यहरूको दायरा अझै बढाउनमा रहेको छ ।
सुन्दर पिचाइले इमेलमा जेमिनाई २.० को बारेमा पनि उल्लेख गरेका छन्, जुन एजेन्टिक एरा का लागि डिजाइन गरिएको थियो ।

उनले विलो चिप को चर्चा गरेका छन्, जुन एक शक्तिशाली क्वान्टम चिप हो र जटिल कार्यहरू सजिलै सम्पन्न गर्न सक्षम छ । गुगलले गत वर्षनै डीप रिसर्च सुरू गरेको थियो, जुन जेमिनाई एड्भान्स्डमा उपलब्ध एउटा नयाँ फिचर हो ।

यो रिसर्च असिस्टेन्टको रूपमा उच्च कार्यक्षमता देखाउन सक्षम  छ। हार्डवेयरतर्फ गुगलले आफ्नो सिक्स्थ नेज टेन्सर पोसेसिंग युनिट (टीपीयू), ट्रिलियम, को उपलब्धताको घोषणा ग¥यो । यो टीपीयू विशेष गरी एआई कार्यभारका लागि डिजाइन गरिएको हो । यसलाई जेमिनी २.० को ट्रेनिङका लागि प्रयोग गरिएको थियो । अहिले यो गूगल क्लाउड प्रयोगकर्ताहरूका लागि उपलब्ध छ ।

गुगलले स्यामसङ र क्वालकमसँगको साझेदारीमा एन्ड्रोइड एक्सआर नामक नयाँ प्लेटफर्म पनि प्रस्तुत गरेको छ । आउँदो समयमा एन्ड्रोइड एक्सआरमा जेमिनाईलाई इंटिग्रेट गर्ने तयारी भइरहेको छ ।

हेडसेटका लागि युट्युब र गुगल म्याप्सजस्ता एपहरूलाई पुनः डिजाइन गरिँदैछ । गुगलले आफ्नो वीडियो र इमेज जेनरेशन मोडल भिओ २ र इमाजेन ३ का नयाँ भर्सन पनि सार्वजनिक गरेको छ, जसलाई २०२५ मा अझ धेरै सुधार गरिनेछ । 

यो वर्ष गुगलको मुख्य लक्ष्य एआईको क्षेत्रमा आफ्नो प्रभुत्व कायम गर्नु हुनेछ । तर, गुगलका लागि सबैभन्दा ठूलो चुनौती ओपन एआई हो, जसले च्याटजीपीटी जस्तो मोडल ल्याएर विश्वभर तहल्का मच्चाएको थियो ।