लर्निङ रियल्म इन्टरनेशनल (एलआरआई) स्कुलले डिजिटल एजुकेसन (प्राइभेट सेक्टर) आइसिटी अवार्ड २०२४ प्राप्त गरेको छ । 

शुक्रबार ह्यात रिजेन्सी काठमाडौंमा आयोजना भएको इन्ड्राइभ आइसिटी अवार्ड २०२४ सपोर्टेड बाई एनसेल फाउन्डेसन इन एशोशिएसन विथ नेपालपे क्युआर, जेनस एण्ड जुमको ग्राण्ड फिनाले कार्यक्रममा काठमाडौंको एलआरआई स्कुललाई डिजिटल एजुकेसन (प्राइभेट सेक्टर) आइसिटी अवार्ड २०२४ प्रदान गरिएको हो । 

सूचना प्रविधिको प्रयोगमार्फत शिक्षण सिकाई र अध्यापन राम्रो बनाएका निजी क्षेत्रका स्कुललाई यो अवार्ड प्रदान गरिन्छ । यो वर्ष प्रविधिमैत्री शिक्षण सिकाइमा जोड दिएको एलआरआई स्कुलले डिजिटल एजुकेसन (प्राइभेट सेक्टर) आइसिटी अवार्ड पाएको छ । 

काठमाडौंको कलंकीमा रहेको एलआरआई स्कुलमा ९७ डेक्स्टप कम्प्युटर, ४० ल्यापटप, ५० मोबाइल, ट्याबलेट, इन्टर्याक्टिभ ह्वाइट बोर्ड, ५७ प्रोजेक्टर, भिडियो क्यामेरा, ३१ टिभी, २६२ सिसिटिभी, एलईडी डिस्प्ले थिएटर रहेका छन् । 

सफ्टवेयरतर्फ स्कुलले एलआरआई मोबाइल एप, अफिस ३६०, क्यान्भा, कुमोन एप, आईड्रो, ई-पुस्तकालय लगायत राष्ट्रिय तथा अन्तर्राष्ट्रिय प्लेटफर्मको प्रयोग गरिरहेको छ ।

अत्याधुनिक कम्प्युटर ल्याब, एआई एण्ड रोबोटिक्स ल्याब रहेको विद्यालयले कोडिङ, एआई, रोबोटिक्स, साइबर सेक्युरिटी, ग्राफिक डिजाइनिङ लगायत समेत पढाउँदै आएको छ ।