शासन , प्रशासन लगायत बिबिध क्षेत्रमा विद्युतिय प्रणालीको प्रयोग अनिवार्य बन्दै गैरहेको परिपेक्षमा बर्तमान संकटले यसको अनिवार्यता र महत्व अझ बढाइदिएको छ। e-Governance का बिबिध पक्षहरु (G2C) , (G2B) , (G2G) , (G2E) सेवाहरुको उपयोगिता झन उच्च रुपमा सिद्ध भएको छ । साथै प्राविधिले दिएको अवसर संगै सृजित चुनौतीलाई सामना गर्न पनि उत्तिकै सचेत हुनु पर्ने जरुरी छ। हालै समाचारमा आएका Un-ethical Access तथा Data security संग सम्बन्धित कार्य उपर यस इ गभर्नेन्स समाजको गम्भीर ध्यानाकर्षण भएको जनाउदै प्रेस बिज्ञप्ति जारि गरेको छ .

प्रविधिले निम्त्याएको चुनौती सामना गर्न राज्य संयन्त्र ले कहिँ कतै गलत क्रियाकलाप भएको खण्डमा कानुनतः कारबाही हुने ब्यबस्था निर्माण गर्नु पर्ने समाजको धारणा छ। अनलाइनबाट समाचार हटाएको प्रकरणमा लोकतन्त्र र प्रेस स्वतन्तरता संगै साईबर सुरक्षासँग सम्बन्धित केहि पेचिला प्रश्नहरु पनि उठेका हुँदा भविष्यमा यस्ता घटना दोहोरिन नदिन घटनाको सत्यतथ्य छानबिन गर्न इ गभर्नेन्स समाजले आग्रह गरेको छ।

e-Governance, e-Learning, Cyber Security, लगायतका क्षेत्रमा नेपाल सरकार तथा अन्य सरोकारवाला निकायसंग सम्वन्वय तथा सहयोगका लागि Nepal e-Governance Society (NeGS) सधै तप्पर रहेको समाजका अध्यक्ष सुरेन्द्र वस्तीले बताए ।