ह्वाट्सएपमा प्रोफाइल फोटोको गोपनीयता कसरी मिलाउने ?

काठमाडौं । ह्वाट्सएपमा प्रयोगकर्ताले आफ्नो प्रोफाइल फोटो कसले हेर्न पाउने भन्ने कुरा आफैं निर्धारण गर्न सक्छन् । ह्वाट्सएपमा उपलब्ध गोपनीयता सेटिङमार्फत प्रोफाइल फोटोको दृश्यता विभिन्न विकल्पबाट व्यवस्थापन गर्न सकिन्छ ।

प्रोफाइल फोटोको गोपनीयता परिवर्तन गर्ने तरिका
ह्वाट्सएपमा प्रोफाइल फोटोको गोपनीयता परिवर्तन गर्न निम्न प्रक्रिया अपनाउन सकिन्छ;
- सबैभन्दा पहिले ह्वाट्सएप खोल्नुहोस् ।
- Settings (सेटिङ) मा जानुहोस् ।
- Privacy (गोपनीयता) विकल्प छान्नुहोस् ।
- Profile Photo (प्रोफाइल फोटो) मा ट्याप गर्नुहोस् ।
- त्यसपछि उपलब्ध विकल्पमध्ये आफूलाई उपयुक्त विकल्प छनोट गर्नुहोस् ।

प्रोफाइल फोटोका लागि ह्वाट्सएपमा निम्न विकल्प उपलब्ध छन्:
- Everyone: ह्वाट्सएपमा भएका सबैले प्रोफाइल फोटो देख्न सक्छन् ।
- My Contacts: तपाईंको सम्पर्क सूचीमा रहेका व्यक्तिले मात्र प्रोफाइल फोटो देख्न सक्छन् ।
- My Contacts Except: तपाईंले छानेका सम्पर्कबाहेक अन्य सम्पर्कले प्रोफाइल फोटो देख्न सक्छन् ।
- Nobody: कसैले पनि तपाईंको प्रोफाइल फोटो देख्न सक्दैन ।

ह्वाट्सएपको प्रोफाइल फोटो गोपनीयता सुविधाले प्रयोगकर्तालाई आफ्नो व्यक्तिगत फोटोमा थप नियन्त्रण प्रदान गर्छ । आफूले चाहेका व्यक्ति वा सम्पर्कलाई मात्र प्रोफाइल फोटो देखाउने गरी सेटिङ मिलाएर प्रयोगकर्ताले आफ्नो व्यक्तिगत जानकारीको गोपनीयता कायम गर्न सक्छन्।