सन् २००१ मा स्थापना भएको नेपाल कलेज अफ इन्फरमेसन टेक्नोलोजी (एनसीआइटी) पोखरा विश्वविद्यालयबाट सम्बन्धन प्राप्त कलेज हो । कलेजले ब्याचलर्स तथा मास्टर्सका विभिन्न कोर्षहरु सञ्चालन गर्दैं आएकि छ ।

यो वर्ष कोरोना महामारीले शैक्षिक शत्र केही ढिला हुन गयो र ब्याचलर्सका कोर्षहरु भर्खर शुरु हुने तयारीमा छन् । ब्याचलरका कोर्षहरु भर्खर शुरू हुने तयारी हुँदा कलेजको तयारी कस्तो छ, कस्ता कस्ता कोर्ष पढाइ हुन्छन्, शूल्क कति छ लगायतका विषयमा एनसीआइटी कलेजका प्रिन्सीपल निरञ्जन खकुरेल सँग आइसिटी समाचारका लागि स्नेहा झा ले गरेको कुराकानीः

कोरोना महामारीको समयमा कोर्स र कलेज कसरी सञ्चालन गर्नुभयो ?

हामीले कोरोना महामारीको समयमा नियमित रुपमा कक्षा सञ्चालन गरिरहेका थियौं । विभिन्न भर्चुअल माध्यमहरुको प्रयोग गरेर हामीले नियमित कक्षा सञ्चालन गरेका थियौं ।

अनलाइन कक्षाका लागि एनसीआईटी आफैले विकास गरेको लर्निङ म्यानेजमेन्ट सिस्टम (एलएमएएस) पनि प्रयोग गरेका थियौं । त्यस्तै अनलाइन कक्षाका लागी माइक्रोसफ्ट टिम्स, गूगल क्लासरुम जस्तो भर्चुअल प्लेटफर्महरुको प्रयोग गरेर कक्षाहरु सञ्चालन गरिरहेका थियौं ।

यस वर्षको स्नातक तहका कोर्षहरु भर्खरै सुरु हुने तयारीमा छन्, यसमा तपाईहरुको के कस्तो तयारी रहेको छ ?

कोरोना महामारीले गर्दा यस वर्षको शैक्षिक शत्रमा केही परिवर्तन भयो । तैपनि स्नातक तहका कोर्षहरु राम्रो ढङ्गले सञ्चालन गर्ने कलेजको योजना छ र यसका लागी कलेजले अहिले प्रवेश परीक्षा पनि लिइरहेको छ ।

एनसीआइटीमा कुन कुन कोर्षहरु छन् र कसले पढ्न पाउँछन् ?

एनसीआईटी कलेजले स्नातक र स्नातकोत्तर तहको शिक्षा दिने गर्दछ । कलेजले स्नातक तहमा इन्जिनियरिङ, बीबीए, बीसीएको अध्ययन गराउने गर्दछ भने स्नातकोत्तरमा एमएससी र एमसीआइएस जस्ता कोर्षहरु सञ्चालन गर्दैं आएको छ ।

इन्जिनियरिङ तहमा कम्प्यूटर सफ्टवेयर, आइटी इन्जिनियरिङ, सिभिल इन्जिनियरिङ, सफ्टवेयर इन्जिनियरिङ, इलेक्ट्रोनिक इन्जिनियरिङ आदी कोर्षहरु पढाई हुन्छन् ।

इन्जिनियरिङ तहका कोर्षहरु साइन्स पढेका विद्यार्थीहरुले अध्ययन गर्न पाउँछन् र त्यसमा पनि दुवै बायो र फिजिकल विज्ञानका विद्यार्थीहरुले अध्ययन गर्न पाउँछन् । इन्जिनियरिङ पढ्नका लागी सबै विषयमा सी ग्रेड आएको हुनुपर्छ ।

बीसीए भने म्यानेजमेन्टका विद्यार्थीले पढ्न पाउनेछन् तर ती विद्यार्थीले प्लस टू मा भने कम्प्यूटर साइन्स वा गणित विषय पढेको हुनुपर्छ ।  एनसीआइटी कलेज पोखरा विश्वविद्यालयबाट सम्बन्धन प्राप्त रहेको छ । बीबीए पढ्नका लागी कम्तीमा बी प्लस ग्रेड हुनुपर्छ र १.८९ जीपीए हुनुपर्छ ।

नयाँ ब्याचका चार वर्षे प्रोग्राम कसरी सञ्चालन हुन्छ ?

नयाँ ब्याचका कक्षाहरु भौतिक रुपमा नै सञ्चालन हुने हुँदा कोर्ष पढाउन र सम्पन्न गर्नमा कुनै समस्या हुदैन् ।

विद्यार्थीहरुका लागी केही विशेष छुट, छात्रवृत्ति या अफर छ ?

विद्यार्थीहरुले अहिले भइरहेको प्रवेश परिक्षाको आधारमा राम्रो गरेमा केही विशेष छुट पाउन सक्छन् । त्यस्तै आन्तरिक परिक्षामा शिर्ष स्थानको विद्यार्थीलाई कक्षा छात्रवृत्ति प्रदान गरिनेछ । ११ र १२ कक्षाको जीपीएको आधारमा पनि छुट दिइनेछ ।

कोर्षहरु केही परिमार्जित गरिएको छ, यो वर्ष ?

यस वर्ष कोर्षमा कुनै परिवर्तन छैन तर समय सापेक्ष इलेक्टीभ या स्पेसिलाइजड कोर्ष भने बिचमा थपिन सक्छ ।

एडमिसन प्रक्रिया र शुल्क बारे केही जानकारी गराइदिनुस न ।

एडमिसन प्रक्रिया र शूल्कको जानकारी कलेजको आधिकारिक वेबसाइट बाट लिन सकिन्छ । त्यहाँबाट लाइभ परामर्श समेत लिन सकिन्छ । अनलाइन बाटै इन्ट्रान्सको फर्म पनि भर्न मिल्छ । शुल्क हेर्दा छात्रवृत्ति बाहेक सिभिल इन्जिनियरिङको १२ लाख र अरु कोर्सको १० देखि ११ लाख रहेको छ ।