अपडेट

गूगल डिप माइण्डको रोबोटले टेबल टेनिस खेल्यो

शुक्रबार, २५ साउन, २०८१

पछिल्ला केही वर्षहरूमा, मेसिन लर्निङ र आर्टिफिशियल इन्टेलिजेन्स तीव्र रूपमा मानिसहरू र कम्पनीहरू बीच लोकप्रिय भएको छ । यस्तो अवस्थामा कम्पनीहरू लगातार यसलाई आफ्ना उत्पादन र नयाँ नवप्रवर्तनहरूमा समावेश गर्दै आएका छन् । यही सिलसिलालाई जारी राख्दै, गूगल डिप माइण्डका रिसर्चरहरूले यस्तो रोबोट निर्माण गरेका छन्, जसले टेबल टेनिस खेल्न सक्छ ।

यो रोबोटले रोबोटिक्स र आर्टिफिशियल इन्टेलिजेन्समा भएको विकास र प्रगति देखाउँछ । यस रोबोटमा लीनियर गेन्ट्रीमा राखिएको ६ डिओएस एबिबि ११०० आर्म छ, जसले विभिन्न स्किल स्तरका मानव खेलाडीहरू विरुद्ध ४५ प्रतिशत खेलहरू जितेको छ ।

कम्पनीले कुल २९ सहभागीहरूसँग यो रोबोटको परीक्षण गरेको छ । खेलाडीहरूसँग भएको खेलको क्रममा, रोबोटले सुरुमा लगभग सबै खेलहरू जित्यो ।

मिडिल लेवल खेलाडीहरूसँग रोबोटले ५५ प्रतिशत खेलहरू जित्यो । एडभान्स्ड लेवलका खेलाडीहरूसँग भने रोबोटलाई धेरै संघर्ष गर्नुप¥यो र सहभागीहरुले सबै खेलहरू हारे । साथै, २९ मध्ये २६ सहभागीहरूले रोबोटसँग पुनः खेल्न रुचि देखाए । कम्पनीले रोबोटको परीक्षणसम्बन्धी एक भिडियो पनि साझा गरेको छ ।

यस भिडियोमा रोबोटलाई विभिन्न व्यक्तिहरूसँग खेल खेल्दै देखाइएको छ । यसले सिमुलेशन–टू–रियल–वर्ल्ड ग्याप कम गर्न एडभान्स्ड प्रविधिको प्रयोग गर्दछ ।

यसले रोबोटको निर्णय लिने प्रक्रियामा सुधार गर्दछ । रोबोट सफल भएता पनि, रोबोटलाई फास्ट बल ह्यान्डल गर्न चुनौतीहरू सामना गर्नुपरेको छ । यसका कारण सिस्टममा ढिलाइ भयो ।