अपडेट

ज्योतिषी, योग र मेडिटेसन सेवा दिने एप ‘स्व अध्याय’

मंगलबार, २८ बैशाख, २०७८

मानिसको जीवनशैली राम्रो बनाउन सहयोग पुर्‍याउने उदेश्यका साथ नेपाल कलेज अफ इन्फरमेसन टेक्नोलोजी (एनसीआईटी) का विद्यार्थीले स्व अध्याय मोबाइल एप निर्माण गरेका छन् ।

२ महिनाको अध्ययन अनुसन्धान र डेभलप पश्चात गत अक्टोबरमा स्व अध्याय एपको बेटा भर्सन सार्वजनिक थियो ।त्यसपछि २ हप्ता अगाडि मात्रै स्व अध्याय मोबाइल एपको फुल भर्सन सार्वजनिक भएको थियो ।

एनसीआईटीमा सफ्टवेयर इन्जिनियर पढिरहेका २ युवा सरोज दाहाल र प्रवेश रिजालले एपलाई बजारमा ल्याएका हुन् । स्व अध्याय एपको डेभलपमेन्टको भाग सरोजले हेर्छन् भने बिजनेशको भाग प्रवेशले हेर्छन् ।

$\"\"$

उनीहरुले व्यवसायीक रूपमै यसलाई अगाडि बढाउन कोडब्लिस प्रालि नामक कम्पनी समेत दत्ता गरिसकेका छन् ।स्व अध्याय एपबाट मुख्य गरी ज्योतिषी, योग, मेडिटेसन सेवा दिन खोजेको कम्पनीका संस्थापक सरोज दाहालले बताए ।

‘त्यसबाहेक यसमा ब्लगको सुविधा समेत रहेको छ,’ उनले आइसिटी समाचारसँग भने, ‘जसमा ज्योतिषी, वेद, ध्यान, योग, धर्म, तन्त्र, योग र जीवन पद्धति, अध्यात्म, आयुर्वेद, वास्तु लगायतका अन्य धेरै कुराहरु पढ्न सकिन्छ ।’

यसमा पूजा तथा ग्रह शान्तिका लागि पण्डित सेवा, मूहर्त, श्लोक लगायतका सुविधा पनि छन् । दाहालका अनुसार अब एपमा काउन्सिलिङ, पोडकास्ट, भिडियोको सुविधा समेत थप गर्ने कम्पनीको योजना छ । एप प्रयोगकर्तालाई नेपाली भाषामै ब्लग, पोडकास्ट, भिडियो लगायतका सुविधा दिने योजना रहेको सरोजले बताए ।

$\"\"$

उनीहरुको ३ जनाको टिम रहेको छ । यो एप अहिले गूगल प्ले स्टोरमा उपलब्ध रहेको छ । केहि हप्ताभित्रै आईओएसमा पनि एप सार्वजनिक गर्ने कम्पनीको योजना रहेको छ ।

यो एप प्रयोग गर्न शुरूमा एप डाउनलोड गर्नुपर्ने हुन्छ । डाउनलोड गरेपछि एप खोल्ने र कुन सेवा आवश्यक छ त्यो सेवामा क्लिक गरी त्यहाँ एउटा फर्म भर्नुपर्छ ।

फर्म भरेपछि उताबाट कल ब्याक हुन्छ र सेवा लिन सकिन्छ । यसमा सेवाअनुसार फरक फरक शुल्क लाग्ने छ । उनीहरुले एपबाट सेवा दिनका लागि अन्य संस्थासँग सम्झौता गरेका छन् । एन्ड्रोइडमा स्व अध्याय एप डाउनलोड गर्न यहाँ क्लिक गर्नुहोस् ।