फ्युजमेसिन्सले पाटन कलेज प्रोफेशनल स्टडीज (पीसीपीएस) कलेजको पाठ्यक्रममा एआइमा माइक्रोडिग्री शिक्षा प्रदान गर्न साझेदारी गरेको छ ।

पीसीपीएस कलेजले फ्यूज मेसिन्सको सहकार्य मार्फत  माइक्रोडिग्री कोर्सको साथमा कलेजको स्नातक तहमा बीएससी (अनर्स) इन कम्प्युटर विज्ञान र सफ्टवेयर ईन्जिनियरिङ्ग पनि डिग्री प्रदान गर्नेछ ।

युवा प्रतिभा र नवीन पीढीलाई एआई करिअर अवसरहरू प्रदान गर्न र विश्वभर माग भएको एआई प्रतिभा आपूर्ति ग्यापलाई पूरा गर्ने उद्देश्यले साझेदारीको सुरुवात गरिएको हो ।

विश्वव्यापी एआई प्रतिभाको अभाव भएको र नेपाल जस्ता विकास उन्मुख  देशहरू यस शिक्षामा पिछडिएका फ्युजमेसिन्सले जनाएको छ ।

यसले कसरी हामीले स्कूल र कलेजहरूको स्तरबाट विस्तृत एआइ प्रशिक्षण कार्यक्रमहरू सञ्चालन गर्नुपर्दछ र विश्वव्यापी एआइ रुपान्तरणमा सामेल हुन आवस्यक छ भन्ने विषयहरु माथि प्रकाश पार्दछ ।

‘माइक्रोडिग्री कोर्स  विश्वव्यापी प्रविधि उद्योगको परिवर्तनशील  माग र आवश्यकतालाई ध्यानमा राखी डिजाइन गरिएको कोर्स हो,’ फ्युजमेसिन्सका संस्थापक तथा सिईओ प्रा.डा. समीर मास्के भन्छन्, ‘नेपाल र विश्वभर एआई ईन्जिनियरहरूको बढ्दो मागपूरा गर्न कलेज र विश्वविद्यालयहरूले एआई कोर्सहरू पाठ्यक्रममा समावेश गर्न आवश्यक छ । तसर्थ हामी पीसीपीएस कलेजसँग यो कदम चालेर निकै सकारात्मक ढंगबाट अगाडी बढेका हौं ।’

माइक्रोडिग्री एआई शिक्षा कार्यक्रम फयुज मेसिन्सको बृहत एआई शिक्षा कार्यक्रम अन्तर्गत आउँछ जुनसँग प्रोप्राइटरी पाठ्यक्रम र अनलाइन शिक्षा प्लेटफर्म हुनुका साथ साथै मिश्रित फ़्लिप्ड गरिएको कक्षाकोठा मोडेल समावेश छ ।

यो कार्यक्रम  एक शिक्षण कार्यक्रम हो, जुन अमेरिकाको अग्रणी विश्वविद्यालय संकायका सदस्यहरु र एआई उद्योग विशेषज्ञहरुद्वारा निर्माण गरिएको हो ।

‘यस साझेदारी अन्तर्गत विद्यार्थीहरूले एआईमा माइक्रोडिग्रीको साथै कम्प्युटर विज्ञान र सफ्टवेयर ईन्जिनियरिङ्गमा स्नातक डिग्री प्राप्त गर्नेछन् । दुई उन्नत पाठ्यक्रमहरू मेशिन लर्निङ्ग  र डीप लर्निङ्ग माइक्रोडिग्रीको हिस्साको रूपमा प्रस्ताव गरिएको छ । यो पूरा भएपछि, हामी इन्टनसीप  प्लेसमेन्टको साथ विद्यार्थीहरूलाई थप सहयोग गर्नेछौं’ लर्ड बुद्ध एजुकेशन फाउन्डेसन  समूहका कार्यकारी निर्देशक प्रकाश कुमार केजरीवालले भने ।

पीसीपीएस कलेजले युके युनिभर्सिटी बेडफोर्डशायर ब्रिटेनको साथ साझेदारीमा कम्प्युटिङ  र व्यवसाय प्रशासनमा स्नातक कार्यक्रम प्रदान गर्दछ । यो विश्वविद्यालय सन् २०२० द्वारा विश्वको शीर्ष १००० विश्वविद्यालयहरूमा समावेश रहेको छ ।

फ्युजमेसिन्स अग्रणी एआइ शैक्षिक तथा सीपसम्बन्धी समाधान प्रदायक हो । फ्युजमेसिन्स् डा. समीर मास्केले स्थापना गरेका हुन्, जो कोलम्बिया युनिभर्सिटीका सहप्राध्यापकका रुपमा कार्यरत छन् ।

फ्युजमसिन्स्का नेपाल, अमेरिका, क्यानाडा र डोमिनिकन गणतन्त्रसमेत चार मुलुकमा रहेका कार्यालयमा पूर्णकालीन २५० कर्मचारीले काम गर्छन् । फ्युजमसिन्स्ले संसारभरिका शैक्षिक संस्थामा एआइसम्बन्धी विश्वव्यापी विशेषज्ञता पुर्याउन चाहेको छ ।