ग्याजेट्स

कस्तो हुनेछ आईफोन १५ प्रो म्याक्स ?

मंगलबार, १६ जेठ, २०८०

हरेक पटक जस्तै यस वर्ष पनि एप्पलले आफ्नो नयाँ आईफोन सिरिज ल्याउने भएको छ । आगामी आईफोनका केही स्पेसिफिकेशनको बारेमा हालै भएको एउटा लीकमा देखा परेको छ ।

यहाँ हामी तपाईलाई आगामी आइफोन १५ प्रो म्याक्सको फिचर र स्पेसिफिकेशनको बारेमा विस्तृत रूपमा बताउँदै छौं ।

आगामी आईफोन १५ प्रो म्याक्स ट्विटरमा टेक रेभ द्वारा गरिएको लीक मार्फत खुलासा गरिएको छ, जसले यसको विशिष्टताहरू सहित केही रोचक विवरणहरू प्रष्टाएको छ ।

आइफोन १५ प्रो म्याक्सले हालको आईफोन १४ प्रो म्याक्स जस्तै क्यामेरा र प्रदर्शन प्रविधि प्राप्त गर्नेछ ।लीक अनुसार, आइफोन १५ प्रो म्याक्सले आइएमएक्स ८०३ क्यामेरा सेन्सरमा आधारित ४८–मेगापिक्सेल १÷१.२८ इन्च क्वाड–बायर क्यामेरा आउने छ, जुन पहिले नै आइफोन १४ प्रो र प्रो म्याक्स मोडेलहरूमा प्रयोग गरिएको थियो ।

सोनी आइएमएक्स ९०३, १ इन्च सेन्सरमा आधारित नयाँ क्यामेराको अपेक्षा गर्नेहरूलाई यो लीकले निराश पार्न सक्छ । डिस्प्लेको बारेमा कुरा गर्दा, आईफोन १५ प्रो म्याक्स हालको जेनरेशन एम १२ ओएलइडी प्यानल टेक्नोलोजीको साथ सार्वजनिक हुनेछ ।

आगामी आइफोनमा डिस्प्लेको साइज अलि फरक हुने सम्भावना छ । रिपोर्टहरूको अनुसार, आईफोन १४ प्रो म्याक्समा दिइएको १६०.७ एमएमको तुलनामा १५९.८ एमएम को कम उचाइ र ७७.६ एमएम को सट्टा ७६.७ एमएम को अलिकति कम चौडाइ हुन सक्छ ।

आइफोन १५ प्रो म्याक्समा केहि नयाँ सुविधाहरू समावेश हुनेछ बताइएको छ । यस फोनमा एउटा पेरिस्कोप टेलिफोटो क्यामेरा छ, जसले क्यामेराको जुम क्षमता बढाउनुका साथै ६ गुणा अप्टिकल म्याग्निफिकेसन प्रदान गर्ने अपेक्षा गरिएको छ ।

यस बाहेक, आइफोन १५ प्रो म्याक्सले यूएसबी टाइप सी पोर्ट पाउने पनि रिपोर्टमा बताइएको छ, जुन एप्पलको सामान्य लाइटनिङ पोर्ट भन्दा फरक छ ।

प्रोसेसरको बारेमा कुरा गर्दा, आइफोन १५ प्रो म्याक्सले थ्री न्यानोमिटर प्रक्रियाको साथ एप्प्लबायोनिक चिप पाउने अपेक्षा गरिएको छ । यो उन्नत प्रोसेसरले राम्रो गति र दक्षता प्रदान गर्नेछ । यसमा ८ जीबी एलपीडिडिआर ५ र्याम हुने लीकबाट खुलासा भएको छ ।