नेपाली स्मार्टफोन बजारमा प्रविधि र स्टाइलको नयाँ बहस छेड्दै अनरले आफ्नो बहुप्रतिक्षित ‘Magic of 8’ लाइनअप सार्वजनिक गरेको छ। अत्याधुनिक आर्टिफिसियल इन्टेलिजेन्स (एआई), शक्तिशाली ब्याट्री र मनमोहक डिजाइनसहित अनरले म्याजिक ८ प्रो, X8d र Pad X8b नेपाली बजारमा उतारेको हो। आफ्नो मोबाइल डिभाइसबाट उच्च कार्यक्षमता खोज्ने प्रयोगकर्ताहरूलाई लक्षित गर्दै कम्पनीले यी ग्याजेटहरू ल्याएको हो।

यस सिरिजको सबैभन्दा आकर्षक पक्ष अनर म्याजिक ८ प्रो रहेको छ। फोटोग्राफीका सौखिनहरूका लागि यसमा २०० मेगापिक्सेलको अल्ट्रा-क्लियर क्यामेरा जडान गरिएको छ, जसले सानाभन्दा साना विवरणलाई पनि स्पष्ट रूपमा कैद गर्छ। कार्यक्षमतालाई तीव्र बनाउन यसमा पछिल्लो पुस्ताको  स्न्यापड्रागन ८ एलिट जेन ५ छ प्रोसेसर प्रयोग गरिएको छ। साथै, ७१०० mAh को विशाल ब्याट्रीले प्रयोगकर्तालाई चार्जको चिन्ताबाट मुक्त राख्छ।

यस फोनमा रहेका एआई स्क्रिन सजेसन र एआई फोटो एजेन्ट जस्ता सुविधाहरूले प्रयोगकर्ताको अनुभवलाई अझ स्मार्ट र सहज बनाएका छन्। म्याजिक ८ प्रोको प्रि-बुकिङ मूल्य १ लाख ९९ हजार ९९९ रुपैयाँ तोकिएको छ, जसमा ३० हजार रुपैयाँ बराबरको अनर Pad X8b ट्याब्लेट उपहारका रूपमा दिइएको छ।

त्यसैगरी, स्टाइल र पावरको सन्तुलन खोज्नेहरूका लागि अनर X8d सार्वजनिक गरिएको छ। ७००० mब्ज ब्याट्री र ४५ वाटको फास्ट चार्जिङ सुविधायुक्त यो फोन निकै स्लिम र आकर्षक छ। यसको मुख्य विशेषता भनेकै यसमा रहेको स्मार्ट एआई बटनु हो, जसको सहायताले प्रयोगकर्ताले सर्कल टु सर्च, एआई इरेजर र सुपर जुम जस्ता आधुनिक सुविधाहरू एकै क्लिकमा प्रयोग गर्न सक्छन्।

१०८ मेगापिक्सेल क्यामेरा र पानी तथा धुलोबाट जोगाउने IP65K रेटिङ भएको यो फोन ८/१२८ जीबी र ८/२५६ जीबी भेरियन्टमा उपलब्ध छ। यसको सुरुवाती मूल्य ३९ हजार ९९९ रुपैयाँ कायम गरिएको छ भने खरिदमा अनर च्वाइस इयरबड्स निःशुल्क पाइनेछ।

अनरले ट्याब्लेट प्रयोगकर्ताका लागि अनर Pad X8b पनि बजारमा ल्याएको छ। ११ इन्चको आई- कम्फर्ट फुलभ्यू डिस्प्ले र १०१००mAh को ठूलो ब्याट्री क्षमता भएको यो ट्याब्लेट प्रिमियम मेटल बडीमा उपलब्ध छ। यो ट्याब्लेटले विशेषगरी विद्यार्थी र प्रोफेसनलहरूलाई उत्कृष्ट भ्यूइङ अनुभव र लामो समयको ब्याट्री व्याकअप प्रदान गर्नेछ।

अनरको यो नयाँ सिरिज नेपालभरका आधिकारिक स्टोरहरूमा उपलब्ध भइसकेको छ।