समाचार

शुरू भयो केन्द्रिकृत एसएमएस गेटवे, अब न्युनतम शुल्कमै सरकारी कार्यालयले एसएमएस पठाउन सक्ने

शुक्रबार, ९ पुष, २०७८

सूचना प्रविधि विभागले केन्द्रिकृत एसएमएस गेटवे शुरू गरेको छ । पुस ७ गते सञ्चार तथा सूचना प्रविधि मन्त्री ज्ञानेन्द्र बहादुर कार्कीले एसएमएस गेटवेको शुभारम्भ गरेका हुन् ।

विभागले तयार पारेको एसएमएस गेटवे प्रयोग गरी सरकारी निकायले न्युनतम शुल्कमा एसएमएस पठाउन सकिने छ । यसबाट सरकारी निकायहरूले सेवा दिन पठाइएका एसएमएसहरूको एकीकृत प्रतिवेदन समेत पाइने छ ।

उक्त उद्घाटन कार्यक्रममा सञ्चालकमा रूपमा विभाग, एसएमएस सेवा प्रदायक नेपाल टेलिकम र एनसेल तथा सेवा प्रयोगकर्ताका रूपमा महान्याधिवक्ताको कार्यालय, यातायात व्यवस्था विभाग र बागमती प्रदेशको श्रम रोजगार तथा यातायात मन्त्रालयबीच सम्झौता भएको थियो ।

विभागका महानिर्देशका प्रेम शरण श्रेष्ठले यस प्रणालीमा विभिन्न दूरसञ्चार सेवा प्रदायकहरूसँगको भीपीएन कनेक्टिभिटी र सर्भरको व्यस्थापन सो सेवा लिन सबै सरकारी निकायले गर्नुको सट्टा एउटै निकायबाट मात्र गरिने बताए ।

विभिन्न सरकारी निकायले प्रयोग गर्ने कुल एसएमएस संख्याका आधारमा प्रति एसएमएस न्युनतम शुल्क कायम गर्न सकिने उनले जानकारी दिए ।

हाल केही निकायबाट मात्रै यो गेटवे प्रयोगको शुरूवात भएपनि आगामी दिनमा अन्य एसएमएस सेवा प्रदान गर्ने सरकारी निकायहरूलाई यसमा आवद्ध गर्दै लगिने विभागले जनाएको छ ।

जेनेस सँगको सहकार्यमा लर्ड बुद्ध एजुकेसन फाउन्डेसनले क्लाउड कम्प्युटिङ पढाउने

भर्खरै

सिंहदरबार प्रवेश : अब नागरिक एपबाटै क्यूआर कोड स्क्यान गरी सहज रुपमा गेट पास