साइबर सुरक्षा

कल सेन्टर खोलेर अवैध अनलाइन सट्टेबाजी, २ भारतीयसहित ५३ जना पक्राउ

मंगलबार, २३ पुष, २०८१

नेपाल प्रहरीको केन्द्रीय अनुसन्धान ब्यूरो (सिआइबी)ले अवैध कल सेन्टर सञ्चालनमा संलग्न दुई भारतीयसहित ५३ जनालाई पक्राउ गरेको छ ।

ललितपुरको सातदोबाटोमा पाँच तले घरको चौथो तला भाडामा लिएर अवैध कल सेन्टर सञ्चालनमा संलग्न ५३ जनालाई सीआईबीले पक्राउ गरेको हो ।

नेपाली युवा युवतीलाई धेरै रकम आम्दानी हुने प्रलोभन देखाई गैरकानुनी काममा लगाई रहेको भन्ने बिशेष सुचनाको आधारमा ब्यूरोले ५२ जनालाई पक्राउ गरेको जानकारी दिएको छ ।

उनीहरूको साथबाट कल सेन्टरमा प्रयोग गरिएका कम्प्यूटर, मोबाईल लगायतका ईलेक्ट्रोनिक्स उपकरणहरु नियन्त्रणमा समेत लिइएको छ ।

प्रारम्भिक अनुसन्धानको क्रममा सो कल सेन्टरबाट सिंगल लट्री, अन्ना लट्री, बाहु लट्री र इन्डुस बेट लगायतका ग्याब्लिङ एप्सहरूको दूरूपयोग गरी अनलाइन सट्टेबाजी गर्ने गरेको देखिएको छ ।

पक्राउ गरिएका भारतीय नागरिकहरु, केही समय अगाडि विभिन्न देशहरुमा सोही प्रकृतिको कारोबारमा संलग्न भएको र यसै समुहले हाल विभिन्न सात देशहरुमा समेत अवैध सट्टेवाजी क्रियाकलाप संचालन गरीरहेको प्रारम्भिक अनुसन्धानबाट खुल्न आएको सीईबीले जनाएको छ ।

नेपालमा भने विगत ९ महिना देखि प्रोलिंक टेक सोलुसन प्रालि नामक कम्पनी दर्ता समेत गरेर कल सेन्टर खोली अवैध अनलाइन सट्टेबाजी संचालन गरिरहेको पाईएको छ ।

प्रारम्भिक अनुसन्धान पश्चात घटनामा संलग्न मुख्य ७ (२ विदेशी र ५ नेपाली नागरिक) जना उपर "मुलुकी अपराध संहिता, २०७४ (संशोधन सहित) परिच्छेद ५ दफा १२५ (४) 'सट्टाबाजी गर्न नहुने' सम्बन्धि कसुर अन्तर्गत मुद्धा दर्ता गरी अनुसन्धान भईरहेको र बाँकी ४६ जना उपर थप अनुसन्धान कार्य भईरहेको सीआईबीले जानकारी दिएको छ ।

यस्तै प्रकारको अवैध कारोवार बिभिन्न स्थानहरुमा पनि संचालन हुन सक्ने भएकोले यस्ता गतिबिधीमा आफु संलग्न नहुन र आफना छरछिमेकमा यस्ता अवैध गतिविधी भएमा नेपाल प्रहरीलाई जानकारी गराउन हुन सीआईबीले अनुरोध समेत गरेको छ ।

साइबर आक्रमणको बढी जोखिममा छन् नेपालका वित्तीय क्षेत्र

आईसीटी समाचार

आइतबार, ३० मंसिर, २०८१

प्रयोगकर्ताको डेटा आपराधिक गिरोहलाई उपलब्ध गराउने खल्ती वालेटका तीन कर्मचारी पक्राउ

आईसीटी समाचार

बुधबार, १२ मंसिर, २०८१

साइबर ठगीमा युवाहरूको संलग्नता बढी, बायोमेट्रिकसहितको केवाईसी लागु गर्न सुझाव

आईसीटी समाचार

सोमबार, ३ मंसिर, २०८१

भर्खरै

प्रविधि उद्यमीलाई टेवा दिन ग्लोबल आईएमई बैंकको ‘टेक एसएमई लोन’ योजना, ५० लाखसम्म ऋण सुविधा

स्प्यारो एसएमएसको १६ वर्षे यात्रा पूरा, ह्वाट्सएप बिजनेस एपीआई सेवा पनि सार्वजनिक

“सुरक्षित डिजिटल भविष्यका लागि महिला सशक्तीकरण: साइबर सुरक्षा नेतृत्व निर्माण” कार्यक्रम सम्पन्न

अब मोटरसाइकलमा पनि हाइब्रिड युग: नेपालमा पहिलो हाइब्रिड बाइक आउँदै