अपडेट

क्यान इन्फोटेक अवलोकन गर्नेलाई आईएमई पेको निःशुल्क भिसा कार्ड

बुधबार, २५ माघ, २०७९

डिजिटल वालेट आईएमई पेले इन्फोडेभलपर्स क्यान इन्फोटेक २०२३ अवलोकन गर्नेलाई निःशुल्क भिसा कार्ड दिने भएको छ । मंगलबारदेखि सुरू भएको इन्फोटेकमा आईएमई पेले निःशुल्क भिसा कार्ड वितरण गरिरहेको छ ।

आईएमई पेको स्टलमा गएर भिसा कार्ड लिन सकिने छ । त्यसका लागि आईएमई पे प्रयोगकर्ता हुनुपर्नेछ । मोबाइलबाट क्युआर कोड स्क्यान गरेर एकैछिनमा भिसा कार्ड लिन सकेन छ ।

आईएमई पे भिसा कार्ड भनेको एटिएम कार्ड जस्तै हो । भिसा कार्डबाट कारोबार गर्न आईएमई पे वालेटमा पैसा भने हुनुपर्नेछ । उक्त भिसा कार्डमार्फत अनलाइन कारोबार, पोस मेसिन र एटिएमबाट पैसा झिक्न सकिने छ ।

यसका साथै आईएमई पेले क्यान इन्फोटेक अबलोकन गर्नेका लागि विभिन्न गेम्सको समेत व्यवस्था गरेको छ । गेम खेल्दा कप, टिसर्ट, डटपेन लगायतका गिफ्ट पाइने छ भने बम्परमा एक जनाले सामसङको स्मार्टफोन जित्न सक्ने छन् ।

भिसा कार्ड हराएमा एपबाटै ब्लक, अनब्लक गर्न सकिन्छ । साथै कार्डको पीन रिसेट र डिएक्टिभेट पनि एपबाटै गर्न सकिन्छ । भौतिक कार्डबाट पस मेसिनमा ट्याप गरेर पेमेन्ट पनि गर्न सकिन्छ ।

भिसा नेटवर्कमा उक्त कार्ड प्रयोग गर्न सकिन्छ । भौतिक र भर्चुअल दुबै कार्डको भ्यालिडिटी ३ वर्षको हुन्छ । भौतिक कार्ड रिन्यु केन्द्रिय कार्यालय वा एजेन्टबाट गर्न सकिने छ ।