आईसिटी अवार्ड २०२२ को प्रेजेन्टेसन तथा स्पीड डेटिङ सेसन सम्पन्न भएको छ । शनिबार आइसिटी अवार्ड २०२२ का उत्कृष्ट १२ स्टार्टअप, प्रडक्ट र राइजिङ स्टार इन्नोभेसनको प्रिजेन्टेसन तथा स्पीड डेटिङ सेसन सम्पन्न भएको हो ।

१३ जना जुरीको अगाडि उत्कृष्ट १२ स्टार्टअप, प्रडक्ट तथा राइजिङ स्टारका प्रतिस्पर्धीले प्रिजेन्टेसन तथा स्पीड डेटिङ सेसनमा भाग लिएका थिए ।

उत्कृष्ट १२ स्टार्टअपमा एरिया टेक्नोलोजिज,बीआईसी टेक्नोलोजी, बिहे नेपाल, क्युरा हेल्थ, ड्यानसन सोलुसन, डिजिटल लर्निङ नेपाल, फ्रेस केटीएम एग्रो, कैंचो ग्रुप, मोनाल टेक, पिक एण्ड ड्रप,  रेड टेल फक्स र रिंगेज टेक पर्न सफल भएका थिए ।

स्टार्टअप आइसिटी अवार्ड २०२२ मा ४५ वटा कम्पनीको अनलाइन नोमिनेशन प्राप्त भएको थियो । स्टार्टअप आइसिटी अवार्ड आइटी प्रडक्ट, सर्भिस तथा इन्नोभेसनको क्षेत्रमा काम गरिरहेका स्टार्टअप कम्पनीलाई प्रोत्साहन र प्रवर्द्धन गर्न प्रदान गरिन्छ । यस विधामा विगत ३ वर्षको अवधिमा दर्ता भएका कम्पनीहरूले आवेदन दिन सक्ने व्यवस्था गरिएको थियो ।

त्यस्तै यस वर्षको आइसिटी अवार्डका उत्कृष्ट १२ प्रडक्टमा बीडीएमएस प्रो, बिहे नेपाल, डिसिजन मेन्टर, डायनो सीआरएम, फिन पीओएस, गल्ली म्याप्स, क्रेडिट एक्स माइक्रो, रिंगेज, स्कुल वर्क्स पो, स्मार्ट अफिस, टिग र भैरव ट्रिडेन्ट पर्न सफल भएका थिए ।

प्रडक्ट आइसिटी अवार्डमा कुनै पनि नेपाली कम्पनी, संस्था, समुह वा व्यक्तिले गत एक वर्षकोबीचमा विकास गरेको आइटी प्रडक्टले आवेदन दिन सक्ने व्यवस्था रहेको छ । आइसिटी अवार्डको प्रडक्ट विधामा ३६ वटा सूचना प्रविधि प्रडक्टहरूले आवेदन दिएका थिए ।

यसैगरि राइजिङ स्टुडेन्ट आइसिटी अवार्ड उच्च शिक्षा तथा विश्वविद्यालयमा अध्ययनरत विद्यार्थीहरूको लागि लक्षित अवार्ड हो ।

यस विधामा विद्यार्थीहरूले बनाएका आइटी प्रोजेक्ट तथा आईडियालाई नोमिनेशनको लागि समावेश गरिएको थियो । यस वर्षको आइसिटी अवार्डका उत्कृष्ट १२ विद्यार्थीका आईडिया आस्क म्याटरब, कमर्सियलाइजेसन अफ अटोनोमस इगलआई अनम्याण्ड एरियल भेइकल (यूएभी), कारोबार , मेजर मी, मेरो स्वास्थ्य, नयन, नेप्टु, पाइथन भ्वाइस असिस्टेन्ट, साराङ्ग, सोल–बिन, स्पष्ट नेपाली, टी स्क्यान राइजिङ स्टुडेन्ट परेका थिए ।

सूचना प्रविधि क्षेत्रको एक प्रतिष्ठित अवार्डको रूपमा परिचित सातौँ संस्करणको आइसिटी अवार्ड २०२२ मा १२ विधाको लागि अनलाइन आवेदन खुला गरिएको थियो ।

यस वर्ष विभिन्न १२ विधामा ५०० बढिको नोमिनेसन प्राप्त भएको छ । आइसिटी अवार्ड २०२२ को ग्राण्ड फिनाले २०७९ पुस ८ गते द सोल्टी काठमाण्डौमा आयोजना हुनेछ ।