अपडेट

अब सार्वजनिक सवारीमा जीपीएस प्रणाली, चालू आर्थिक वर्षभित्रै जडान गरिने

सोमबार, ८ भदौ, २०७७

सार्वजनिक सवारी साधनलाई व्यवस्थित बनाई दुर्घटना न्यूनीकरण गर्न ग्लोबल पोजिसनिङ सिस्टम (जीपीएस) प्रणाली चालू आर्थिक वर्षभित्रै जडान गरिने भएको छ । त्यसका लागि बोलपत्रको मूल्याङ्कन सकेर यातायात व्यवस्था विभाग सम्झौता गर्ने तयारीमा छ ।

विभागका महानिर्देशक गोगनबहादुर हमालले चालू आर्थिक वर्षमा देशभरका सार्वजनिक सवारी साधनमा जीपीएस जोड्ने लक्ष्यसहित काम भइरहेको बताए । उनले बोलपत्र मूल्याङ्कन भई सम्झौता बाँकी रहेको बताए ।

उनका अनुसार एक वर्षमा सबै सार्वजनिक यातायातमा जीपीएस जडानको काम नेपाली कम्पनीले गर्ने भएको छ । छ महिना सफ्टवेयरको काम गर्ने र छ महिनामा हार्डवेयरको काम गर्ने हमालको भनाइ छ ।

जीपीएस जडान खासगरी सवारी साधनको गति, अवस्था र स्थानको जानकारी लिन गरिने हो । सवारी साधनको निगरानी गर्न जीपीएस प्रणाली जोड्न लागिएको हो । जीपीएस जडान गरिएपछि दुर्घटना न्यूनीकरण हुने दाबी उनको छ ।

तीव्र गतिका कारण दुर्घटना हुँदै आएकोमा गति तीव्र भएको खण्डमा तुरुन्त चालकलाई म्यासेज जाने उनले जानकारी दिए । त्यसरी चालकको निगरानी हुने र उसको व्यवहार परिवर्तन हुनुका साथै अटेर गरे कारबाहीसम्म गरिने जनाइएको छ ।

त्यस्तै गाडी कहाँ छ भन्ने कुराको जानकारी प्राप्त हुने र यात्रुले पनि प्रयोग गर्न मिल्ने गरी जीपीएस लागू गरिने जनाइएको छ । यात्रुले आफू जाने स्थान र रुट अनुसार टिकट बुक गर्नसक्ने तथा गाडीको अवस्था वा गाडी कहाँ छ भनेर हेर्न सक्ने छन् ।

आजको गोरखापत्र दैनिकमा समाचार छ ।

WIIT ले आयोजना गरेको कोभिड १९ विषयमा अडियो तथा भिडियो प्रतियोगीता सम्पन्न

आईसीटी समाचार

सोमबार, ८ भदौ, २०७७

टेक वेबिनार नेपालको आजको श्रृंखलामा फ्लटर बारे सिकाइदै

आईसीटी समाचार

आइतबार, ७ भदौ, २०७७

सस्तोडिलको अर्को सफलता: भारतीय फेसन ब्रान्ड मिन्त्रसँग सहकार्य

आईसीटी समाचार

आइतबार, ७ भदौ, २०७७

भर्खरै

विद्यार्थीका लागि नेपाल टेलिकमको विशेष अफर, ५ हजारमा एक वर्षका फाइबर इन्टरनेट

टिग नास आईटी एक्सपो २०२५ सम्पन्न: सहकार्य, नवप्रवर्तन र प्रवर्द्धनमा जोड

पीएसबी नेपालको अंग्रेजी च्यानल ‘एनटिभी वर्ल्ड’को प्रसारण सुरू, नेपालको आवाज विश्वमा प्रवर्द्धन गर्ने उद्देश्य

‘एमओटीई’ ब्रेन चिप: वायरलेस रूपमा मस्तिष्कका संकेत पढ्ने विश्वकै सबभन्दा सानो इम्प्लान्ट