एआई अब भविष्यको होइन, वर्तमानको आवश्यकता बनेको छ । यो सामान्य जीवनमा काम गर्ने तरिकाहरूलाई तीव्र रूपमा परिवर्तन गर्दैछ, अर्थात् मानव क्रियाकलापका प्रत्येक पक्षमा एआईको संलग्नता बढ्दै गएको छ । व्यावसायिक कामहरूमा अटोमेशनको शक्ति जोड्न यसले महत्त्वपूर्ण भूमिका खेलेको छ । मेसिनहरू आज थप सक्षम र सटीक भएका छन्, जसले गर्दा तथ्याङ्कको तुरुन्त विश्लेषण सम्भव भएको छ । 

भाषाको अन्तर हटाउँदै रचनात्मकतालाई नयाँ दिशा दिइएको छ । एआई मोडेलहरू जस्तै च्याटजीपीटी, जेमिनाई, डिपसीक, मेटा, ग्रोक आदि वेबसाइट र एपहरू हाम्रो जीवनको अभिन्न हिस्सा बनेका छन्, जसले उद्योगहरूमा रूपान्तरण ल्याइरहेका छन्, उत्पादकता बढाइरहेका छन् र रचनात्मकतालाई प्रोत्साहन दिइरहेका छन् ।

मेसिन लर्निङ , नेचुरल ल्याङ्ग्वेज प्रोसेसिङ  र कम्प्युटिङको परिवर्तनशील स्वरूपले विभिन्न कार्यहरूमा सहजता र सटीकता बढाएको छ ।

हाल च्याटजीपीटी , कोपाईलट, जेमिनाई , ग्रोकको प्रयोग सबैभन्दा धेरै हुने गरेको छ । अब सिन्थेसिया, ग्रामर्ली , मिडजर्नी , रनवे  जस्ता एआई टूलहरूको पनि प्रयोग हुन थालेको छ ।

यद्यपि, जेमिनाई, डिपसीक र ग्रोकको दक्षतामा विभिन्नता पाइन्छ । डिपसीक बहुभाषिक र लागत–अनुकूल भएकाले प्रयोगमा आएको छ ।

यी कार्यहरूमा लिन सकिन्छ एआईको सहायता

ग्रोक : विभिन्न प्रकारका प्रश्नहरूको तुरुन्त उत्तर पाउन

च्याटजीपीटी–४ टर्बो भर्जन : कुनै पनि भाषा बुझ्न र प्राविधिक प्रश्नहरूको उत्तर पाउन

जेमिनी १.५ अल्ट्रा : टेक्स्ट, इमेज, अडियो जस्ता मल्टीमोडल प्रोसेसिङका लागि

डिपसीक : कोडिङ र एशियाली भाषाहरूको ज्ञानका लागि

ग्रोक र जेमिनी : अनुसन्धान जस्ता निःशुल्क सेवाहरूका लागि

च्याटजीपीटी : बहुउपयोगी मोडेल

च्याटजीपीटी : एक अद्भुत एप्लिकेसन

ओपनएआईद्वारा विकसित च्याटजीपीटी एक अद्वितीय एप्लिकेसन हो ।

यसका प्रारम्भिक संस्करणहरूमा च्याटजीपीटी–३, ३.५ , ४ र च्याटजीपीटी टर्बो आइसकेका छन् ।

विशेष उपयोगको संस्करण डाटा विश्लेषण, गणना र कोडिङमा उपयोगी छ ।
डाले तस्बिर बनाउन प्रयोग हुन्छ, व्हिस्पर अडियोलाई टेक्स्टमा रूपान्तरण गर्छ । 

च्याटजीपीटी इंटीग्रेटेड भर्जन माइक्रोसफ्टको वर्ड र एक्सेल मा प्रयोग हुन्छ ।
एपीआई आधारित मोडेल सफ्टवेयर डेभलपर्सका लागि उपयोगी छन् ।

अन्य कम्पनीहरूः

गुगलको जेमिनाई (– पहिले बार्ड)

एन्थ्रोपिकको क्लाउड 

मेटाको लामा

माइक्रोसफ्ट कोपाईलट 

बिङ च्याट नामले चिनिने यो मोडेल वर्ड , एक्सेल, पावरप्वाइन्ट , आउटलुक , टिम्समा उपलब्ध छ । डाटा विश्लेषण, ग्राफ बनाउने, रिपोर्टिङ, स्लाइड प्रस्तुति, कोडिङ र डिबगिङ आदि काममा उपयोगी ।
गिटहब कोपाईलट – विशेष रूपमा कोडिङका लागि ।

भाषाहरूः पाइथन, जाभास्क्रिप्ट , सी++ आदि ।

क्लाउड : संवादात्मक मोडेल

एन्थ्रोपिकद्वारा विकसित क्लाउड एक संवादात्मक एआई हो । १००,००० टोकनसम्मका लामो टेक्स्टहरू प्रोसेस गर्न सक्ने क्षमता ।

अनुसन्धान, रिपोर्टिङ, इमेल चेन, डक्युमेन्ट प्रोसेसिङ, कोडिङ र विश्लेषणमा उपयोगी । क्लाउड ३ लाई च्याटजीपीटीभन्दा पनि उत्कृष्ट मानिएको छ ।