समाचार

डिजिटल नेपालको सपना साकार पार्न डिजिटल नेपाल कन्क्लेभ महत्वपूर्ण हुनेछः सञ्चारमन्त्री कार्की

शनिबार, ४ असार, २०७९

सञ्चार तथा सूचना प्रविधि मन्त्री ज्ञानेन्द्र बहादुर कार्कीले डिजिटल नेपालको सपना साकार पार्न डिजिटल नेपाल कन्क्लेभ महत्वपूर्ण हुने बताएका छन् ।

शनिबारदेखि द सोल्टी काठमाडौंमा सुरू भएको डिजिटल नेपाल कन्क्लेभ २०२२ मा विशिष्ट अतिथि समेत रहेका कार्कीले यस्तो बताएका हुन् ।

‘हामी कहाँ छौं, हाम्रो समस्या कहाँ छ । त्यसको समाधानका लागि हामी के गर्न सक्छौं र अबको हाम्रो बाटो के हो । त्यो बाटोमा पुग्न हामीले के प्रयत्न गर्नुपर्छ । सरकारको तर्फबाट के प्रत्यन गर्नुपर्छ । निजी क्षेत्रले के प्रत्यत्न गर्नुपर्छ । विज्ञहरूले के प्रयत्न गर्नुपर्दछ,’ उनले कार्यक्रममा भने, ‘त्यसको बारेमा २ दिनसम्म चल्ने यो कन्क्लेभले एउटा बाटो देखाउने छ विश्वास लिएको छु ।’

डिजिटल नेपाल फ्रेमवर्कको प्रभावकारी कार्यान्वयनका लागि आवश्य नीतिगत, कानुनी, प्राविधिक तथा संरचनागत व्यवस्था गर्दै लगिएको बताए । सूचना प्रविधि युक्त राष्ट्र बनाउन सरकारका कार्यक्रम लक्षित रहेको कार्कीको भनाइ छ ।

सूचना प्रविधिको समयानुकल विकास गरी २ वर्षभित्र कुल ग्राहस्थ उत्पादनमा यस क्षेत्रको योगदान दोब्बर बनाउने लक्ष्य राखिएको उनले जानकारी दिए । प्रदेशले पनि डिजिटल प्रदेश बनाउन बजेटमा प्राथमिकता दिएको उनले बताए ।