समाचार

शनिबार रिभ्याम्प नेपालको तेस्रो संस्करणः ५० बढी व्यवसाय सहभागी हुने, ३ हजारले अवलोकन गर्ने

बुधबार, १४ बैशाख, २०७९

रिभ्याम्प नेपालको तेस्रो संस्करण बैशाख १७ गते शनिबार ठमेलको छाया सेन्टरमा आयोजना हुने भएको छ । दिनभर चल्ने यस कार्यक्रममा नेपाली व्यवसायिक क्षेत्रमा हाल सक्रिय रहेका नयाँ उद्यम र व्यवसायहरु तथा प्रमुख व्यापारिक संस्थाहरूको संलग्नता रहने छ ।

रिभ्याम्प नेपालमा निःशुल्क प्रवेश गर्न सकिने छ । महामारीबाट प्रभावित अर्थतन्त्रको पुनरुत्थानलाई प्रेरित गर्न मद्दतको लागि २०२१ को शुरुमा अवधारणा गरिएको रिभ्याम्प नेपाल कार्यक्रम फेब्रुअरी २०२१ मा र अगस्ट २०२१ मा भर्चुअल्ली आयोजना गरिएको थियो ।

तेस्रो संस्करणले सहभागीहरूलाई प्रत्यक्ष रुपमा सम्भावित ग्राहकहरू, ग्राहकहरू र साझेदारहरूसँग अन्तरक्रिया गर्न र आफ्ना उत्पादन र सेवाहरू प्रवर्द्धन गर्न मद्दत गर्ने प्लेटफर्म प्रदान गरेर हालको संघर्षरत बजारलाई मद्दत गर्ने प्रयत्न गर्नेछ।

फाइब्रो नेपाल र आईडीया जार डिजिटलद्वारा संयुक्त रुपमा आयोजित रिभ्याम्प नेपालको यस तेस्रो संस्करणमा हाम्रोबजार डटकम, सेल पे, हिमालयन जनरल इन्स्योरेन्स, फिनिक्स कलेज अफ म्यानेज्मेन्ट, उपाय सिटी कार्गो, फुड्मान्डु, नेपाल वायुसेवा, सुबिसु, रिलायबल भेन्चर क्यापिटल, जेनिस क्लाउड एकेडेमी, टेक साथी, किताब यात्रा, वेदा एप्, मेरोअड्डा, अप्ट्रेन्ड्ली, सिस्क्युब टेक्नोलोजी, द डेनिस, आर्ट्सियम प्रोड्क्सन, ओहो केक, टिग एप्, माकुरा कृयसन्, हाथी हाथी नेपाल, नेपाल पर्यट्न बोर्ड, सञ्चार तथा सूचना प्रविधि मन्त्रालय लगायत संस्थाहरूको साझेदारीमा आयोजना हुँदैछ ।

कार्यक्रममा ५० भन्दा बढी उध्यम-व्यवसायहरुको सहभागिता हुनेछ भने ३००० भन्दा बढी अवलोकनकर्ताहरूको उपस्थितिको अपेक्षा गरिएको छ। रिभ्याम्प नेपाल बिहान साढे १० बजे सुरु भएर साँझ साढे ६ बजे समापन हुनेछ ।

केटीहरूलाई प्रविधिको आधारभूत ज्ञान सिकाउँदै कोड रस

भर्खरै

मन्त्रालयमा रियल टाइम ड्यासबोर्ड सञ्चालन, उद्योग तथा कम्पनी दर्ताको विवरण अब सहजै उपलब्ध हुने