सन् २०२४ मा प्रविधिले नयाँ उचाइ हासिल गर्‍यो । यस वर्ष धेरै यस्ता आविष्कारहरू भए, जुन कल्पनाभन्दा बाहिर छन् ।

स्टियरिङ विना ट्याक्सीको कुरा होस् वा चीनमा बनेको एआई अस्पतालको यस वर्ष प्रविधिले ठूलो फड्को मारेको छ ।

इतिहासकै सबैभन्दा ठूलो शटडाउन पनि यसै वर्ष देखिएको छ । सन् २०२४ मा भएका प्रमुख आविष्कारहरूको चर्चा गर्दा न्यूरालिंकको नाम पनि उल्लेख गरिनेछ ।  

मानिसको दिमागमा चिप  

इतिहासमा पहिलो पटक मानिसको दिमागमा चिप राखियो । यस वर्षको सुरुवातमा एलन मस्कको टेक स्टार्टअप न्यूरालिंकले यो उपलब्धि हासिल गरेको थियो । कम्पनीले दाबी गरे अनुसार यस चिपमार्फत संचार र शरिरलाई नियन्त्रण गर्न सकिन्छ ।  

रोबोटले गर्ने उपचार  

एजेन्ट अस्पताल— जहाँ बिरामीको उपचार रोबोटले गर्छन् । यो एआई अस्पताल निर्माण गर्ने पहिलो देश चीन हो । यसमा १४ एआई डाक्टर र ४ एआई नर्स छन् । २०२४ मा बनेको यो एआई अस्पताल नयाँ आविष्कारको दृष्टिकोणले निकै रोचक छ । एआई डाक्टरहरू मेशिन लर्निङको आधारमा काम गर्छन् ।   

एप्पल भिजन प्रो  

एप्पलको भिजन प्रो हेडसेट एआर र वीआर प्रविधिसँग तयार गरिएको छ । यो कम्पनीको मिक्स्ड रियालिटी हेडसेट हो । प्रयोगकर्तालाई यसमा दुई मोडको सुविधा मिल्छ । वीआर मोडमा प्रयोगकर्ताको आँखा अगाडि भर्चुअल तर वास्तविक जस्तो लाग्ने संसार हुन्छ । एप्पलको यो आविष्कार धेरै अर्थमा विशेष छ । यसलाई २०२४ को ’इनोवेशन अफ द इयर’ को अवार्ड पनि प्राप्त भएको छ ।  

सबैभन्दा पातलो फोल्डेबल फोन  

विश्वको सबैभन्दा पातलो फोल्डेबल स्मार्टफोनको कुरा गर्दा अनर म्याजिक ची थ्रीको नाम आउँछ । एआई फिचर रहेको यो डिभाइस मात्र ९.२ मिलिमिटर पातलो छ । यसमा फेस टु फेस ट्रान्सलेसन, एआई इरेजर र नोट्स, एआई सक्षम फोटोग्राफी फिचरहरू जस्ता अन्य सुविधाहरू छन् ।  

एआई शिक्षक  

एआईले शिक्षाको क्षेत्रमा पनि नयाँ क्रान्ति ल्यायो । भारतको पहिलो एआई शिक्षकको रूपमा आइरिस चिनिन्छिन् । यस वर्षको मार्चमा त्रिवेन्द्रमको केटीसीटी स्कुलद्वारा एआई शिक्षकको विकास गरिएको थियो ।  

सबैभन्दा ठूलो शटडाउन  

निश्चय नै २०२४ एआई र आविष्कारको वर्ष रह्यो । तर यस्तो समय पनि आयो जब संसार ठप्प भयो । एयरपोर्टदेखि बैंकिङ क्षेत्रसम्म यसको प्रभाव परेको थियो । हामी कुरा गर्दैछौं जुलाईमा भएको माइक्रोसफ्ट शटडाउनको । ९५ प्रतिशत विन्डोज प्रणाली अचानक काम नगर्दा यो समस्या देखियो । यस प्राविधिक खराबीले विश्वभरका विन्डोज प्रयोगकर्तालाई अप्ठ्यारोमा पारेको थियो ।

डिजिटल एरेस्टका घटना

यस वर्ष सबै कुरा राम्रो मात्र भएन । केही नराम्रा घटनाहरू पनि भए, जसले कयौँ पाठ सिकाए । जस्तै, २०२४ मा डिजिटल एरेस्टका बढ्दो घटनाहरूले सबैलाई सताए । स्क्यामरहरूले निर्दोष मानिसलाई झुक्याएर ठगी गरे । यस वर्ष २०२३ को तुलनामा डिजिटल एरेस्टका घटनामा निकै वृद्धि भएको छ, जुन चिन्ताको विषय हो ।