गैंडाकोट नवलपुरमा अवस्थित किसान बचत तथा ऋण सहकारी संस्थाले सिनर्जी टेक सफ्टवेयरसँगको सहकार्यमा भ्वाईस सोलुसन इन्टिग्रेटेड ईआपी कोर बैंकिङ्ग नेपालमै पहिलो पटक सहकारी क्षेत्रमा भित्र्याउने भएको छ ।

एसएमएसले मोबाईलमा अक्षर लेखेर जानकारी पठाए जस्तै यस भ्वाईस सेवा प्रविधिले नेपाली भाषामा सदस्यहरुलाई सेवाहरु उपलब्ध गराउने र आइभीआर र कल सेन्टर जस्ता अत्याधुनिक आवाज प्रविधिको माध्यमबाट सदस्यहरुलाई प्रभावकारी सेवाहरु उपलब्ध गराउनेछ । 

ईआरपी कोर बैंकिङ्गमा ऋण व्यवस्थापन प्रणाली, मानव संसाधन व्यवस्थापन प्रणाली, बजेट निर्माण तथा प्रक्षेपण जस्ता प्रविधि रहने जसले संस्थाको कार्यक्षमता वृद्धि गर्न र एआई सक्षम फ्रड डिटेक्सन जस्ता सुविधा रहेका छन् ।  

किसान साकोसका सिईओ जिवलाल तिवारीले यस प्रविधिमार्फत संस्थाको आन्तरिक नियन्त्रण र अनुगमन संयन्त्रलाई चुस्त बनाउने र सदस्य सेवालाई अझ प्रभावकारी बनाउन कोर बैंकीङ्गमा इन्टिग्रेटेड भ्वाईस सेवा प्रविधिले सदस्य हेरचाह तथा ऋण व्यवस्थापन प्रणाली अत्याधुनिक र प्रभावकारी आशा गरिएको बताए । 

१५ वर्षभन्दा बढीको अनुभवसहित सिनर्जी टेक सफ्टवेयरले सहकारी तथा लघुवित्त क्षेत्रमा सेवा उपलब्ध गराउँदै आएको छ । सिनर्जी टेकले साहारा नेपाल सकोस, छिमेक लघुवित्त, र मुक्तिनाथ विकास बैंकजस्ता नेपालका प्रतिष्ठित संस्थाहरूलाई ईआरपी कोर बैंकिङ र डिजिटल सोलुसन उपलब्ध गराउँदै आएको छ । त्यस्तै, सिनर्जी टेकको उपस्थिति नेपाल र म्यानमारजस्ता अन्तर्राष्ट्रिय बजारमा समेत रहेको छ ।