अहिले हरेकजसो मानिस जीब्ली शैली (Ghibli Style) मा आफ्ना तस्बिरहरू बनाइरहेको छ। सुरुवातमा यति धेरै जिब्ली स्टाइल इमेजहरू बन्न थाले कि ओपनएआईका सीईओ स्याम अल्टम्यानले विस्तारै प्रयोग गर्न आग्रह गरेका थिए ।

तर, जिब्ली स्टाइल इमेजहरूको लोकप्रियतासँगै यसको गलत प्रयोगसम्बन्धी चिन्ताहरू पनि उठ्न थालेका छन् । आउनुहोस्, यसलाई बुझौँ...

जापानको प्रसिद्ध स्टुडियो जिब्ली (Studio Ghilbi) द्वारा विकसित एक एनीमेशन शैली हो । यो शैली हातले बनाइएका जटिल र रङ्गीन चित्रहरू, नरम ब्रश स्ट्रोक्स, जीवन्त पात्रहरू र सुन्दर प्राकृतिक दृश्यहरूको लागि प्रसिद्ध छ ।

यो स्टुडियो सन् १९८५ मा प्रसिद्ध फिल्म निर्माता इसाओ ताकाहात र हयाओ मियाजाकीद्वारा स्थापना गरिएको थियो । स्टुडियो जिब्ली ले हालसम्म २२ वटा एनिमेटेड फिल्महरू बनाइसकेको छ, जसमा धेरैजसो विश्वव्यापी रूपमा चर्चित छन् ।

जिब्ली शैलीका मुख्य विशेषताहरू

• हातले कोरिएका एनीमेशन
• विस्तृत पृष्ठभूमि 
• भावनात्मक रूपमा समृद्ध कथाहरू 

जिब्ली शैलीमा इमेज बनाउने सम्भावित जोखिमहरू

ठगी र गलत प्रचार – जिब्ली स्टाइलमा बनाइएका नक्कली तस्बिरहरू गलत सूचना फैलाउन वा फेक समाचार सिर्जना गर्न प्रयोग गर्न सकिन्छ ।

प्रतिलिपि अधिकारको उल्लङ्घन – स्टुडियो जिब्ली का विशेष पात्र र कला शैली बिना अनुमति प्रयोग गर्नु कानुनी समस्या बन्न सक्छ ।

साइबर अपराधमा दुरुपयोग – डिजिटल आर्टलाई परिमार्जन गरेर फेक प्रोफाइल, ठगीका वेबसाइटहरू, र भ्रामक सामग्री बनाउन सकिन्छ ।

के यी इमेजहरू साइबर अपराधमा प्रयोग हुन सक्छन्?

• डीपफेक प्रविधिसँग मिलाएर नकली एनीमेशनहरू बनाइ्न सकिन्छ ।
• सोशल मिडिया ठगी र फिसिङ आक्रमणका लागि नक्कली प्रोफाइलहरू बनाउन सकिन्छ ।
• एनएफटी स्क्याम – चोरी गरिएका जिब्ली शैलीका तस्बिरहरू प्रयोग गरेर नकली डिजिटल आर्ट बेच्ने प्रयास हुन सक्छ ।

के च्याटजीपीटी यस्ता डेटा दुरुपयोग गर्न सक्छ?

च्याटजीपीटीले प्रयोगकर्ताको गोपनीयता र डेटा सुरक्षालाई प्राथमिकता दिन्छ । यसले निजी जानकारी सङ्ग्रह वा साझा गर्दैन। न त कुनै अवैध वा अनैतिक कार्यलाई समर्थन गर्छ।

तर, यदि कुनै व्यक्ति यस प्रविधिको दुरुपयोग गर्न चाहन्छ भने, त्यसले साइबर अपराधको सम्भावना बढाउन सक्छ । त्यसैले डिजिटल सुरक्षा र एआई नैतिकतालाई ध्यान दिन अत्यन्त जरुरी छ ।

यस विषयमा साइबरपिसका संस्थापक तथा ग्लोबल अध्यक्ष मेजर विनीत कुमार भन्छन्, 'जिब्ली शैलीमा एआई प्रयोग गरेर तस्बिरहरू बनाउने चलन तीव्र रूपमा बढ्दै गएको छ । यसले कलात्मक मौलिकता, बौद्धिक सम्पत्ति र डेटा सुरक्षाका विषयमा चिन्ता बढाएको छ । अब कुरा केवल यति मात्र होइन कि एआई कलाकारहरूको ठाउँ लिइरहेको छ, तर यसको दुरुपयोग, अनाधिकृत रूपमा तस्बिर बनाउने प्रवृत्ति, डीपफेक, र प्रतिलिपि अधिकारको उल्लङ्घन पनि गम्भीर मुद्दाहरू हुन् ।'

उनका अनुसार, एआई प्रम्प्टहरूको गलत व्याख्या हुन सक्छ, जसका कारण अनैतिक तस्बिरहरू सिर्जना हुनसक्छन्, जुन कलाको उद्देश्य र सांस्कृतिक मूल्यहरूसँग बाझिन सक्छ ।

निष्कषजिब्ली शैली अहिले सामाजिक सञ्जालमा निकै लोकप्रिय बनिरहेको छ । तर, यसको गलत प्रयोग ले ठगी, गलत सूचना फैलाउने, र साइबर अपराध लाई बढावा दिन सक्छ । डिजिटल सुरक्षा, कृत्रिम बुद्धिमत्ता (एआई) को नैतिकता, र प्रतिलिपि अधिकार संरक्षण को विषयमा सचेत रहन आवश्यक छ ।