साउन १९ गते शनिबार नेपाल प्रज्ञा प्रतिष्ठान, कमलादीमा ‘करियर कन्क्लेभ’ आयोजना हुने भएको छ । माध्यमिक तहको प्लस टु अध्ययन पूरा गरेर बसेका विद्यार्थीहरूलाई सम्भावना चिनाउन र अवसरहरुसँग करियर कन्क्लेभ हुन लागेको हो । 

प्रशिक्षणको आयोजना र टेकस्पायर कलेजको मुख्य प्रयोजनमा हुन लागेको करियर कन्क्लेभमा विद्यार्थीहरुको करियरलाई प्राथमिकतामा राखेर गर्न लागिएको पहिलो युवा सम्मेलन भएको आयोजकले जनाएको छ ।

करियर कन्क्लेभले विद्यार्थीहरूलाई प्रतिस्पर्धी बजारमा फस्टाउन र विकसित व्यावसायिक परिदृश्यमा अनुकूलन गर्न सहयोग गर्ने आयोजक संस्थाका अध्यक्ष लक्ष्मण पोख्रेलले बताए । सम्मेलनमा विद्यार्थीहरुलाई नेपालको सूचना प्रविधि क्षेत्र र व्यवस्थापन क्षेत्रका अग्रणी व्यक्तिहरूले सम्बोधन गर्ने कार्यक्रम रहेको छ ।

करियर कन्क्लेभमा निःशुल्क सहभागीता जनाउने छ । निःशुल्क टिकट बानेश्वरमा रहेको टेकस्पायर कलेजबाट लिन सकिने छ । बिहान ११ बजेदेखि सुरू हुने कन्क्लेभमा दिनभरि नै करियर सम्बन्धि महत्त्वपूर्ण कुराकानी हुनेछ । 

कार्यक्रममा नेपालको अग्रणी डिजिटल वालेट ई सेवाका सह संस्थापक तथा यति एयरलाइन्सका सिईओ सुवाश सापकोटा, आईडियाप्रेन्योर नेपालका संस्थापक सन्जोग कोइराला, कोड हिमालयका सह संस्थापक ईस्मरण दवाडी, ह्याप्पी माइण्डसका संस्थापक श्रेया गिरीले ‘जीवन्त सिकाई र बदलिँदो रोजगारीको बजार’ विषयमा प्यानल छलफल गर्नेछन् । उक्त प्यानलको मध्यस्थता माइण्सेट क्युबका संस्थापक राजन कोइरालाले गर्नेछन ।

कार्यक्रममा क्रिकेट एशोशिएसन नेपाल क्यानका सचिव पारस खड्का र उत्प्रेरक वक्ता सौनक भट्टले विद्यार्थीहरुलाई सम्बोधन गर्नेछन् भने नितेशजंग कुँवर र समृद्धि राईको सांगितीक प्रस्तुति हुनेछ । 

यस्तै हास्य कलाकार सुमन कार्कीले पनि आफ्नो प्रस्तुति दिनेछन् भने अन्य थुप्रै सांगीतिक तथा सांस्कृतिक कार्यक्रम रहेको आयोजकले जनाएको छ।

सम्मेलनलाई कोड फर चेन्ज नेपालले सहआयोजना गरेको हो भने पिसिपिएस कलेज सहप्रायोजकमा रहेको छ । यस्तै कोड हिमालय, कुमारी बैंक, इन्ट्रान्स पार्क, आईएनआई सिनेमाज, एईसिसी ग्लोबल, क्वेस्नबैंक एआईले सम्मेलनलाई प्रायोजन गरेका छन् ।