नयाँ प्रविधि
फेसबुकको नयाँ अपडेट : सेल्फी भिडिओ पठाएर नि:शुल्क भेरिफाइड बन्न सकिने
काठमाडौं । सामाजिक सञ्जालमा बढ्दो एआई (कृत्रिम बुद्धिमत्ता) प्रयोगसँगै नक्कली प्रोफाइल र डिजिटल ठगीका घटना बढ्न थालेपछि फेसबुकले प्रयोगकर्ताको वास्तविक पहिचान पुष्टि गर्ने नयाँ सुविधा सार्वजनिक गरेको छ । कम्पनीले ‘फेसबुक भेरिफाइड’ नामक नि:शुल्क भेरिफिकेसन ब्याज ल्याएको हो ।
यो सुविधा अन्तर्गत प्रयोगकर्ताले छोटो सेल्फी भिडिओ अपलोड गरेपछि फेसबुकले उक्त भिडिओलाई प्रोफाइलमा रहेका तस्बिरसँग तुलना गरी सम्बन्धित अकाउन्ट वास्तविक व्यक्तिको हो वा होइन भन्ने पुष्टि गर्नेछ । प्रमाणीकरण सफल भएपछि प्रयोगकर्ताले नि:शुल्क ‘फेसबुक भेरिफाइड’ ब्याज प्राप्त गर्नेछन् ।
कम्पनीका अनुसार यो नयाँ ब्याज परम्परागत ब्लु टिक (भेरिफिकेसन ब्याज) भन्दा फरक हो । ब्लु टिक सार्वजनिक व्यक्तित्व वा सशुल्क सदस्यतासँग सम्बन्धित भएपनि ‘फेसबुक भेरिफाइड’ भने साधारण प्रयोगकर्ताको पहिचान प्रमाणित गर्न विकास गरिएको सुविधा हो ।
फेसबुकले एआईको तीव्र विकाससँगै वास्तविक जस्तै देखिने तस्बिर, नक्कली प्रोफाइल र स्वचालित संवाद तयार गर्न सजिलो भएको उल्लेख गर्दै यस्तो अवस्थामा प्रयोगकर्ताबीचको अन्तरक्रियालाई थप सुरक्षित र विश्वसनीय बनाउन यो फिचर ल्याइएको जनाएको छ ।
विशेष गरी फेसबुक मार्केटप्लेस, डेटिङ सेवा तथा अपरिचित व्यक्तिसँग सम्पर्क हुने स्थानमा यसले विश्वास बढाउने अपेक्षा गरिएको छ । यो सुविधा प्राप्त गर्न प्रयोगकर्ताको उमेर कम्तीमा १८ वर्ष पुगेको हुनुपर्नेछ । साथै, अकाउन्टले फेसबुकको ‘ट्रस्ट एन्ड सेफ्टी’ मापदण्ड पूरा गरेको हुनुपर्नेछ । ठगी, स्क्याम वा अन्य भ्रामक गतिविधिमा संलग्न अकाउन्टलाई यो सुविधा उपलब्ध गराइने छैन ।
प्रमाणीकरण प्रक्रिया पूर्ण रूपमा नि:शुल्क रहेको फेसबुकले जनाएको छ । सामान्यतया केही मिनेटमै प्रक्रिया पूरा हुने र एक पटक प्रमाणीकरण भएपछि कुनै अतिरिक्त शुल्क नतिरी विभिन्न स्थानमा यही ब्याज देखिने कम्पनीको भनाइ छ ।
हाल यो सुविधा व्यक्तिगत फेसबुक अकाउन्टका लागि मात्र उपलब्ध गराइएको छ । फेसबुक पेज तथा ‘प्रोफेसनल मोड’ प्रयोग गरिरहेका प्रोफाइलका लागि भने यो सेवा उपलब्ध छैन ।
प्रमाणित भएपछि ‘फेसबुक भेरिफाइड’ ब्याज प्रयोगकर्ताको प्रोफाइल, फेसबुक मार्केटप्लेस, डेटिङ प्रोफाइल र ग्रुपहरूमा देखिनेछ । कम्पनीले निकट भविष्यमा फेसबुक फिडमा प्रकाशित पोस्टहरूमा समेत यो ब्याज देखाउने तयारी गरिरहेको जनाएको छ ।
कम्पनीका अनुसार ‘फेसबुक भेरिफाइड’ फिचर हाल सीमित देशमा चरणबद्ध रूपमा लागू भइरहेको छ । आगामी दिनमा यसलाई विश्वभर विस्तार गरिने योजना रहेको भए पनि नेपालमा भने यो सुविधा हालसम्म उपलब्ध भइसकेको छैन ।
नयाँ प्रविधि
अब मोबाइल नजोडी आइप्याडबाटै सीधै ह्वाट्सएप अकाउन्ट खोल्न सकिने
काठमाडौं । ह्वाट्सएपले विभिन्न प्लेटफर्मका प्रयोगकर्ताका लागि नयाँ सुविधाहरू सार्वजनिक गरेको छ । नयाँ अपडेटसँग…
थ्रेड्समा स्क्रिन टाइम, स्लीप मोड र गोपनीयता नियन्त्रण फिचर थपिँदै
काठमाडौं । मेटाको सामाजिक सञ्जाल प्लेटफर्म थ्रेड्स (Threads) ले किशोर–किशोरी प्रयोगकर्ताको अनलाइन गतिवि…
गुगलले ल्यायो जेमिनीका तीन नयाँ एआई मोडल, साइबर सुरक्षाका लागि छुट्टै संस्करण
काठमाडौं । गुगल डिपमाइन्डले आफ्ना जेमिनी (Gemini) एआई मोडलको शृङ्खलामा तीन नयाँ मोडल सार्वजनिक गरेको छ । क…
इन्स्टाग्रामको नयाँ फिचर, अब पुराना पोस्टको गीत पनि परिवर्तन गर्न सकिने
काठमाडौं । इन्स्टाग्रामले आफ्ना प्रयोगकर्ताका लागि पोस्ट भइसकेका फोटो तथा क्यारोसेल पोस्टमा रहेको गीत वा सङ्गीत …
एक्सको नयाँ एन्ड्रोइड एप सार्वजनिक, अब पोस्ट र स्क्रोलिङ झन् छिटो
काठमाडौं । इलोन मस्कको एक्स (पूर्व ट्विटर) ले झन्डै एक वर्षको विकास प्रक्रियापछि आफ्नो नयाँ एन्ड्रोइड एप सार्वजनिक…
एआईको आँखा, ड्रोनको पहरा : बाँदरबाट बाली जोगाउने नेपाली प्रविधि
काठमाडौं । नेपालका किसानका लागि बाँदरबाट हुने बाली नोक्सानी वर्षौंदेखिको ठूलो समस्या हो । खेतमा दिनरात पह…
ह्वाट्सएपको च्याट लक फिचर प्रयोग गरेर आफ्नो व्यक्तिगत कुराकानीलाई कसरी लुकाउने ?
काठमाडौं । ह्वाट्सएपमा प्रयोगकर्ताहरूको सुरक्षाका लागि च्याट लक (Chat Lock) फिचर उपलब्ध छ । यदि तपाईं आफ्ना के…
जिमेलको नयाँ फिचर, एकै क्लिकमा हटाउनुहोस् अनावश्यक इमेल
काठमाडौं । अनावश्यक न्यूजलेटर, अफर र प्रचारात्मक इमेलका कारण जिमेलको इनबक्स भरिने समस्या अब सहजै समाधान गर्न …
कपी गर्नेको कमाइ बन्द, एक्सले पैसा अब वास्तविक क्रियटरलाई दिने
काठमाडौं । सामाजिक सञ्जाल प्लेटफर्म एक्स (पूर्व ट्विटर) ले अरूको सामाग्री कपी गरेर ‘रि–पोस्ट&rsquo…
गुगल एआई मोड अब क्यान्भा, युट्युब म्युजिक र इन्स्टाकार्टसँग जोडियो
काठमाडौं । गुगलले आफ्नो एआई सेवा अझ प्रभावकारी बनाउने उद्देश्यले एआई मोड (AI Mode) लाई क्यान्भा, युट्युब म्युज…
विन्डोज ११ मा आयो सम्पूर्ण पीसीका लागि ‘Undo’ सुविधा, गल्ती भए सजिलै पुरानै अवस्थामा फर्काउन सकिने
काठमाडौं । माइक्रोसफ्टले विन्डोज ११ का 24H2 र 25H2 संस्करणका लागि KB5101650 अपडेट सार्वजनिक गरेको छ । यस अप…
एप्पलको नयाँ एआई सिरी सार्वजनिक परीक्षणमा, अब थप स्मार्ट र व्यक्तिगत
काठमाडौं । एप्पलले आफ्नो नयाँ एआई सञ्चालित सिरीलाई सार्वजनिक परीक्षण मार्फत प्रयोगकर्ताका लागि उपलब्ध गराएको छ …
गुगल इमेजेजमा ‘फर यू’ फिड थपिँदै, एआईमार्फत सर्चमै फोटो बनाउन सकिने
काठमाडौं । गुगलले आफ्नो गुगल इमेजेज (Google Images) लाई अझ व्यक्तिगत र आकर्षक बनाउने उद्देश्यका साथ नयाँ फिच…
स्पोटिफाईमा एआई च्याट फिचर, कुराकानी गरेर गीत खोज्न र बजाउन सकिने
काठमाडौं । संगीत स्ट्रिमिङ सेवा स्पोटिफाईले आफ्ना प्रिमियम सदस्यका लागि कृत्रिम बौद्धिकता (एआई) मा आधारित नयाँ…
एक्सको नयाँ अपडेट : अब आफूले फलो गरेका प्रयोगकर्ताका रिप्लाई नै पहिले देखिने
काठमाडौं । सामाजिक सञ्जाल एक्स (पूर्व ट्विटर) ले प्रयोगकर्ताबीचको संवादलाई थप अर्थपूर्ण र सुरक्षित बनाउने उद्देश्…